សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ចនគរបាលស្រុកកំពង់ត្រឡាចឃឃាត់ខ្លួនកាលពីវេលាម៉ោង ១៨និង៣០នាទី ថ្ងៃទី០៩ ខែមេសា ឆ្នាំ២០២១ នៅចំណុចរស់នៅភូមិស្នាពេជ្រ ឃុំឈូកស ស្រុកកំពង់ត្រឡាច ពាក់ព័ន្ធករណីបង្កអំពើហិង្សាដោយចេតនា ដាក់អ្នកដទៃ។
មន្រ្តីនគរបាលព្រហ្មទណ្ឌស្រុកកំពង់ត្រឡាចបានឲ្យដឹងថាជនរងគ្រោះមានឈ្មោះ សឿង សារិន ភេទប្រុស អាយុ៣៨ឆ្នាំ មុខកសិករ រស់នៅភូមិ-ឃុំកើតហេតុខាងលើ ។ រីឯជនដៃដល់ឈ្មោះ ពិន ពៅ ភេទប្រុស អាយុ៣២ឆ្នាំ ត្រូវជាប្អូនថ្លៃរបស់ជនរងគ្រោះ រស់នៅភូមិ-ឃុំ ស្រុក ជាមួយគ្គ្នាជាមួយជនសង្ស័យបានរងរបួសជាទម្ងន់ ។
ក្រោយឃាត់ខ្លួនជនសង្ស័យបានសារភាពថា ករណីនេះបណ្តាលមកពីខ្លួនខឹងជនរងគ្រោះជេរប្រមាថមកលើរូបគេ ទើបរូបគេយកកាំបិតកាប់តែម្តង ។
បច្ចុប្បន្ន ជនដៃដល់ រួមនឹងវត្ថុតាងកាំបិតកាចែតមួយដើមដែលដកហូតបានត្រូវសមត្ថកិច្ចជំនាញកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការបន្តតាតាច្បាប់ ៕
ដោយ ៖ ប្រាថ្នា
