សារព័ត៌មាន នគរវត្ត តែងតែនាំមុខគេជានិច្ច
កីឡាករ Alexander-Arnold រកគ្រាប់បាល់ចុងម៉ោងជួយក្រុម Liverpool យកឈ្នះលើក្រុម Aston Villa ក្នុងលទ្ធផល ២–១ សម្រាប់ការប្រកួត Premier League នៅយប់មិញនេះ។
ការប្រកួតនៅនាទីទី៤៣ Watkins រកគ្រាប់បាល់នាំមុខឱ្យក្រុមភ្ញៀវ Aston Villaនាំមុខក្រុមម្ចាស់ផ្ទះLiverpool ១–០ មុនចប់តង់ទី១។ យ៉ាងណាមិញ ឈានដល់តង់ទី២ Mohamed Salah ក៏រកគ្រាប់បាល់តាមស្មើបាននៅនាទី៥៧។ នៅជិតចប់ការប្រកួតទៅហើយ Arnold ក៏រកគ្រាប់បាល់ជ័យជម្នះបានវិញ នៅនាទី៩០+១។ ចប់ការប្រកួត Liverpool យកឈ្នះ Aston Villa ក្នុងលទ្ធផល ២–១។ការយកបាន៣ពិន្ទុចុងម៉ោងនេះ ជួយក្រុមរបស់លោក Klopp ឡើងដល់លេខ៥ក្នុងតារាង Premier League នារដូវកាលនេះ ឆ្លងកាត់៣១ប្រកួត។ នៅសល់៧ប្រកួតទៀតនឹងចប់រដូវកាលនេះហើយ ដូច្នេះការប្រកួតប្រជែងយកកៅអី Top4 ពិតជាស្វិតស្វាញណាស់នៅរដូវកាលរបស់ក្រុមហង្សក្រហម Liverpool៕
ដោយ៖ សហការី
