សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ករណីអគ្គិភ័យដែលឆាបឆេះផ្ទះ មួយកន្លែងនៅវេលាម៉ោង ៣និង៤០នាទីទៀបភ្លឺ ថៃ្ងពុធ ៣កេីត ខែពិសាខ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៤ ខែមេសា ឆ្នាំ២០២១ ស្ថិតនៅផ្លូវលេខ៨១ ភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានឱ្យដឹងថា ម្ចាស់ផ្ទះឈ្មោះ ភោគ ធារី ភេទស្រី អាយុ ៤១ឆ្នាំ ជនជាតិខ្មែរ មុខរបរលក់គ្រឿងទេស។
សមត្ថកិច្ចបានឱ្យដឹងថា មូលហេតុដែលនាំឱ្យភ្លើងឆេះផ្ទះនេះគឺបណ្តាលមកពីឆ្លងចរន្តអគ្គិសនី។
- ប្រភេទសំណង់ : ផ្ទះសង់ពីបេតុង (ទំហំ ៥ម៉ែត្រ x ១០ម៉ែត្រ) ខូចខាត (ទំហំ ៣ម៉ែត្រ x ៣ម៉ែត្រ)។
សម្ភារខូចខាតរួមមាន៖ ឆេះគ្រឿងទេសមួយចំនួនមានតម្លៃជាង១ម៉ឺនដុល្លារ តែពុំបណ្តាលឱ្យឆេះរាលដាលដល់ផ្ទះអ្នកជិតខាងនិងមិនបណ្តាលឲ្យមានមនុស្សស្លាប់-របួសមនុស្សនោះទេ។
ក្នុងប្រតិបត្តិការនេះប្រើប្រាស់រថយន្តការិយាល័យបង្ការនិងពន្លត់អគ្គិភ័យចំនួន ៤គ្រឿង ប្រើប្រាស់ទឹកអស់ចំនួន ៣ឡាន ស្មេីនឹង ១៦ម៉ែត្រគូប ហើយពន្លត់ចប់នៅម៉ោង ៤និង២០នាទីទៀបភ្លឺ នាថ្ងៃខែឆ្នាំដដែល៕
ដោយ៖ជ្រោយពេជ្រ
