នាយឧត្តមសេនីយ៍ វង្ស ពិសេន អញ្ជើញចូលរួមកិច្ចប្រជុំកែសម្រួលសេចក្តីសម្រេចស្តីពីវិធានការអនុវត្តក្នុងអំឡុងពេលបិទខ្ទប់ ដើម្បីធានាប្រសិទ្ធភាពទប់ស្កាត់ការឆ្លងរាលដាលជំងឺកូវីដ-១៩

ភ្នំពេញ ៖ នៅរសៀលថ្ងៃទី១៧ ខែមេសា ឆ្នាំ២០២១ លោកនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ និងជាសមាជិកគណៈកម្មការជាតិគ្រប់គ្រង និងដឹកនាំការអនុវត្តវិធានការបិទខ្ទប់ភូមិសាស្រ្តរាជធានីភ្នំពេញ និង ក្រុងតាខ្មៅនៃខេត្តកណ្ដាល បានអញ្ជើញចូលរួមក្នុងកិច្ចប្រជុំកែសម្រួលសេចក្តីសម្រេចស្តីពីវិធានការអនុវត្តក្នុងអំឡុងពេលបិទខ្ទប់ ដើម្បីធានាប្រសិទ្ធភាពទប់ស្កាត់ការឆ្លងរាលដាលជំងឺកូវីដ-១៩។

កិច្ចប្រជុំបានធ្វើឡើងតាមរយៈ ប្រព័ន្ធវីដេអូ (Video Conference) ក្រោមអធិបតីភាពលោក អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការជាតិគ្រប់គ្រង និងដឹកនាំការអនុវត្តវិធានការបិទខ្ទប់៕

ដោយ៖ សុខ ខេមរា