សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ ក្រុមក្មេងស្ទាវបើកឆាកប្រយុទ្ធត្រូវក្មេងស្ទាវដូចគ្នាចាក់មួយដាវសាមូរ៉ៃចំពីខាងក្រោយខ្នង បណ្តាលឲ្យរបួសធ្ងន់ ត្រូវបានក្រុមគ្រួសារយកមកសង្គ្រោះនៅមន្ទីរពេទ្យបង្អែកខេត្តស្ទឹងត្រែង។
ហេតុការណ៍កាប់ចាក់គ្នានេះ បានកេីតឡេីងកាលពីម៉ោង ៦និង៣០នាទីព្រលប់ ថ្ងៃទី២៧ ខែមេសា ឆ្នាំ២០២១ នៅភូមិឆ្វាំង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។
សមត្ថកិច្ចបានឧ្យដឹងថា ជនរងគ្រោះមានឈ្មោះ តុង ប៊ុននី អាយុ២៧ រស់នៅភូមិឆ្វាំង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។
សមត្ថកិច្ចបានឲ្យដឹងថា ចំពោះមូលហេតុ ក្មេងទាំងនេះ ជាក្រុមក្មេងទំនេីង មុនកេីតហេតុ ពួកគេមានគ្នាពីរក្រុម បានជជែករឿងចាស់កន្លងហួសទៅ ហេីយក៏បានបង្កជាទំនាស់ពាក្យសំដី រួចឈានទៅដល់ការកាប់ចាក់គ្នាតែម្តង។
បន្ទាប់ពីកើតហេតុក្រុមគ្រូពេទ្យបានជួយសង្គ្រោះដកយកដាវចេញពីខ្នងបានរួចរាល់ ហេីយកំពុងតែដាក់ព្យាបាលក្នុងមន្ទីរពេទ្យ។ ចំណែកក្រុមជនសង្ស័យ បានរត់គេចខ្លួនអស់ ហើយសមត្ថកិច្ចបានកំណត់មុខសញ្ញារួចហេីយ ដេីម្បីតាមឃាត់ខ្លួនយកមកដាក់ទោសតាមច្បាប់៕
ដោយ៖ជ្រោយពេជ្រ
