សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តដឹកថ្ម មួយគ្រឿង បេីកបរក្នុងល្បឿនលឿនក៏ជ្រុលទៅបុករះរថយន្ត មួយគ្រឿងទៀត និងម៉ូតូ ២គ្រឿង បណ្តាលអោយរងការខូចខាតយ៉ាងដំណំ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង ១២ និង ៣០នាទី ថ្ងៃត្រង់ ថ្ងៃទី១៧ ខែឧសភា ឆ្នាំ២០២១ ដែលស្ថិតនៅតាមបណ្តោយផ្លូវ៥១ កែងផ្លូវ១៣០ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។
តាមប្រភពព័ត៌មាននៅកន្លែងកើតហេតុ បាន ប្រាប់ឲ្យដឹងថា ពេលកេីតហេតុ គេបានឃេីញរថយន្តដឹកថ្ម មួយគ្រឿង ម៉ាក ហ៉ីយ៉ាដា ពណ៌ខៀវ ពាក់ស្លាកលេខ ភ្នំពេញ 2S-0697 ដោយធ្វេីដំណេីរក្នុងទិសដៅពីត្បូងទៅជេីង ខណៈពេលមកដល់ចំណុចផ្លូវបំបែកជាបួន ស្រាប់តែទៅបុកជាមួយរថយន្ត មួយគ្រឿងទៀត ម៉ាក កាមេរី០៧ ពណ៌ស ពាក់ស្លាកលេខ ភ្នំពេញ 2P-6555 បេីកបរក្នុងទិសដៅពីកេីតមកលិច ស្រាប់តែមកដល់ចំណុចផ្លូវបំបែកជាបួន ក៏ត្រូវរថយន្តដឹកថ្មបុកយ៉ាងពេញទំហឹង បណ្តាលអោយរងការខូចខាតផ្នែកខាងមុខចំហៀងខាងស្តាំរថយន្ត រួចក៏បន្តទៅបុកជាមួយម៉ូតូ ២គ្រឿងទៀតរងការខូចខាតយ៉ាងដំណំ។
ក្រោយពេកកេីតហេតុ សមត្ថកិច្ចមូលដ្ឋានបានចុះមកដល់ទីតាំងគ្រោះថ្នាក់ចរាចរណ៍ ដេីម្បីធ្វេីការសម្រួល ប៉ុន្តែ ដោយសារតែភាគីទាំងសងខាងមិនត្រូវគ្នា ក៏សមត្ថកិច្ចមូលដ្ឋានទាងទាក់ទៅសមត្ថកិច្ចជំនាញចរាចរណ៍ជេីងគោក នៃស្នងការដ្ឋាននគរបាលរាជធានីភ្នំពេញ ចុះមកធ្វេីការវាស់វែងយករថយន្តបង្ក ព្រមទាំងរថយន្តរងគ្រោះ និងម៉ូតូ ២គ្រឿងទៀត យកទៅរក្សាទុកនៅការិយាល័យជំនាញ ដេីម្បីដោះស្រាយគ្នាតាមផ្លូវច្បាប់ផងដែរ៕
ដោយ៖ រ៉ារ៉ា
