សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ ប្រទេសឡាវ ខណៈដែលស្ថានភាពនៃជំងឺកូវីដ-១៩ នៅក្នុងប្រទេសអាស៊ីអាគ្នេយ៍មួយនេះ មិនទាន់ត្រូវបានគ្រប់គ្រងពេញលេញនៅឡើយនោះ ក៏បានសម្រេចចិត្តបន្តអនុវត្តវិធានការបិទខ្ទប់ទូទាំងប្រទេសនាពេលបច្ចុប្បន្ន រហូតដល់ថ្ងៃទី០៤ ខែមិថុនា ខាងមុខនេះ។
បេីយោងតាមសេចក្តីជូនដំណឹងរបស់ការិយាល័យនាយករដ្ឋមន្រ្តី នៅថ្ងៃព្រហស្បតិ៍ទី២០ ខែឧសភា ឆ្នាំ២០២១នេះ បានបញ្ជាក់ថា រដ្ឋាភិបាលឡាវ នឹងពន្យារពេលការបិទខ្ទប់ប្រទេសរយៈពេល ១៥ថ្ងៃទៀត រហូតដល់ថ្ងៃទី៤ ខែមិថុនា ឆ្នាំ២០២១ ដេីម្បីទប់ស្កាត់ស្ថានភាពនៃជំងឺកូវីដ-១៩ នៅក្នុងប្រទេស។
បច្ចុប្បន្ន ប្រទេសឡាវ គិតត្រឹមថ្ងៃព្រហស្បតិ៍ ទី២០ ឧសភានេះ បានកត់ត្រាករណីឆ្លងកូវីដ-១៩ សរុប ១,៧៥១ករណី ក្នុងនោះបានជាសះស្បើយឡើងវិញចំនួន ៧៤០នាក់ និងស្លាប់ ២នាក់។
គួបញ្ជាក់ថា ប្រទេសឡាវ បានរកឃើញករណីឆ្លងកូវីដ-១៩ ដំបូងរបស់ខ្លួន កាលពីថ្ងៃ២៤ ខែមីនា ឆ្នាំកន្លងទៅ៕ដោយ៖ស តារា
