សារព័ត៌មាន នគរវត្ត តែងតែនាំមុខគេជានិច្ច
ប្រទេសម្ចាស់ផ្ទះជប៉ុនកំពុងឈរលើគេក្នុងចំណោមប្រទេសដែលចូលរួមព្រឹត្តិការណ៍កីឡាអូឡាំពិកនៅទីក្រុងតូក្យូ គិតត្រឹមថ្ងៃទី២៩ កក្កដា ឆ្នាំ២០២១នេះ ដោយទទួលបានមេដាយមាសរហូតដល់១៣ ប្រាក់៤គ្រឿង និងសំរិទ្ធិ៥គ្រឿង។
ចំណែកប្រទេសដែលកំពុងឈរលេខ២នោះគឺសហរដ្ឋអាមេរិកទទួលបានមេដាយមាស១២គ្រឿង ប្រាក់១១គ្រឿង និងសំរិទ្ធិ៩គ្រឿង ខណៈដែលសាធារណរដ្ឋប្រជាមានិតចិនឈរលំដាប់លេខ៣ ទទួលបានមេដាយមាស១២គ្រឿងដូចគ្នា, ប្រាក់៦គ្រឿង និងសំរិទ្ធិ៩គ្រឿង។
រីឯរុស្ស៊ី ឈរលេខ៤ដណ្តើមបានមេដាយសរុប២៣គ្រឿង មាស៧, ប្រាក់១១ និងសំរឹទ្ធិ៦ ខណៈលេខ៥ បានទៅលើអូស្រ្តាលី ដណ្តើមបានមេដាយសរុប១៧គ្រឿង មាស៧ ប្រាក់១ និងសំរឹទ្ធិ៩, លេខ៦បានទៅលើចក្រភពអង់គ្លេស ដណ្តើមបានមេដាយសរុប១៦គ្រឿង មាស៥ ប្រាក់៦ និងសំរឹទ្ធិ៥ និងកូរ៉េខាងត្បូងឈរលេខ៧ ដណ្តើមបានមេដាយសរុប១១គ្រឿង មាស៤ ប្រាក់២ និងសំរឺទ្ធិ៥គ្រឿង។
ដោយឡែកប្រទេសនៅតំបន់អាស៊ានមិនទាន់មានអ្វីប្រែប្រួលនៅឡើយទេគឺប្រទេសមកពីតំបន់អាស៊ានចំនួន៣ប្រទេសប៉ុណ្ណោះ ដែលដណ្តើមបានមេដាយក្នុងនោះមានប្រទេសថៃដណ្តើមបានមេដាយមាសលើវិញ្ញាសាតេក្វាន់ដូ, ប្រទេសហ្វុីលីពីនដណ្តើមបានមេដាយមាសលើវិញ្ញាសាលើកទម្ងន់១គ្រឿង និងប្រទេសឥណ្ឌូនេស៊ីដណ្តើមបានមេដាយប្រាក់១ និងសំរិទ្ធិ១ ។
ការប្រកួតកីឡាអូឡាំពិករដូវក្រៅនៅប្រទេសជប៉ុនឆ្នាំនេះ ហាក់ខុសប្លែកជាងព្រឹត្តិការណ៍មុនៗដោយប្រទេសនៅតំបន់អាស៊ីទទួលបានមេដាយច្រើនជាងប្រទេសតំបន់អឺរ៉ុបគិតមកទល់ត្រឹមថ្ងៃទី២៩ កក្កដានេះ ៕
ដោយ៖ ភារៈ (រូបភាព BBC Sport)
