សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះវិហារ ៖ មានសេចក្ដីរាយការណ៍ថា ការដឹកជញ្ជូនឈេីតាមរថយន្តនៅតែកេីតមាននៅច្រកចំនួនពីរគឺច្រកតាសែង ខ្នាថ្មី ក្នុងស្រុកសង្គមថ្មីនិង ច្រកផ្លូវជាតិលេខ៦២ បេីទោះបីថ្នាក់លេីដាក់វិធានការរឹតបន្តឹងយ៉ាងណាក៏ដោយ នៅ តែថ្នាក់ក្រោមៗមានសមត្ថភាពឃុបឃិតគ្នា ខណ:យប់ថ្ងៃទី៣១ កក្ដដា មានរថយន្តចំនួន៦គ្រឿង នឹងយប់ថ្ងៃទី១ សីហានេះ មានរថយន្តមួយគ្រឿងទៀតដឹកឈេី លួចចេញតាមស្វាយប៉ាតចូលផ្លូវជាតិលេខ៦២ ឆ្លងកាត់បារាសច្រកជីឱកចូលទឹកដីខេត្តកំពង់ធំ ភាគច្រើនតាមផ្លូវជាតិលេខ៦២តែម្តង ។
តាមសេចក្តីរាយការណ៍របស់ប្រជាពលរដ្ឋនៅភូមិតាសែង ស្រុកសង្គមថ្មីបានអោយដឹងថា កាលពីយប់ម៉ោង៩ថ្ងៃទី៣១ ខែកក្តដា ឆ្នាំ២០២១ រថយន្តស៊េរីទំនើបៗចំនួន៦គ្រឿង ផ្ទុកឈើលេខ១ប្រភេទឈើសុក្រមនឹងឈើឈ្លីក បានដឹកចេញទៅខេត្តកំពង់ធំគ្មានសមត្ថកិច្ចណាហាមឃាត់ឡើយ គេឆ្ងល់ត្រង់ថា ច្រកទាំង២ត្រូវបានបិទមិនអោយចេញចូលទៅខេត្តកំពង់ធំ តែរថយន្តដឹកឈើនៅតែអាចបេីកចរាចរបានតាមធម្មតា ខណ:រថយន្តចេញមកស្រុករវៀង ឆ្លងកាត់បារាសនៅជីឱកចូលដីកំពង់ធំយ៉ាងរំភើយ ច្រកនៅជីឱកផ្លូវជាតិលេខ៦២ ព្រះវិហារកំពង់ធំ ត្រូវបានបិទខ្ទប់រយៈពេល១៤ថ្ងៃ ហាមមិនអោយធ្វើដំណើរឆ្លងកាត់ឡេីយ តែរថយន្តដឹកឈើហេតុអីនៅតែធ្វើចរាចរឆ្លងកាត់បាន? ។
សេចក្តីរាយការដដែលបន្តថា រថយន្តស៊េរីទំនើបៗដឹកឈើ៦គ្រឿងនេះ បានដឹកឈើចេញពីភូមិតាសែង កាត់ទីប្រជុំជនស្រុកសង្គមថ្មី កាត់មុខស្នាក់ការអាវុធហត្ថស្រុកសង្គមថ្មី កាត់មុខស្នាក់ការសង្កាត់រដ្ឋបាលព្រៃឈើសង្គមថ្មី កាត់មុខស្នាក់ការកណ្តាលតំបន់ការពារបេតិកភណ្ឌធម្មជាតិភ្នំត្បែង លោក មឿង សំផុន ជាប្រធាននៅច្រមុះភ្នំត្បែង អត់ដែលឃើញបង្ក្រាបសោះ ។
បើពិនិត្យមើលសមត្ថកិច្ចគ្រប់ជំនាញនៅតាមដងផ្លូវជាតិលេខ៦២ចាប់ពីភ្នំដែកទៅដល់ព្រំប្រទល់ខេត្តកំពង់ធំក្នុងនោះមាននគរបាលសេដ្ឋកិច្ចក្រសួងមហាផ្ទៃផងដែរ នៅប្រចាំ
ការតាមដងផ្លូវរាប់សិបកន្លែង ស្ថាប័ននីមួយៗគិតតែចាំរាប់ក្បាលឡាន អត់ខ្វល់ពីមហាជនរិះគន់ឡើយ។
ចំណែកលោក ប្រាក់ សុវណ្ណ អភិបាលខេត្តព្រះវិហារ តែងតែបានដាក់បទបញ្ជាយ៉ាងមុឺងម៉ាត់ អោយគណៈបញ្ជាការឯកភាពស្រុកក៏ដូចសមត្ថកិច្ចជំនាញយកចិត្តទុកដាក់បង្ក្រាបបទល្មើសធនធានធម្ម
ជាតិ ត្រង់ថាសមត្ថកិច្ចក្រោមឱវាទរបស់លោកអនុវត្តតាមបញ្ជាឬអត់នោះ មិនដឹងទេ ?
សូមរំឮកថា បទល្មើសដឹកជញ្ជូនឈើនៅក្នុងស្រុកសង្គមថ្មី បានកើតមានឡេីងយូរឆ្នាំហើយ តែសមត្ថកិច្ចនៅក្នុងស្រុកសង្គមថ្មីទាំងមូលអត់ដែលបានបង្ក្រាបសោះ មិនដឹងមូលហេតុអី ។
ជួបជាមួយអ្នកយកព័ត៌មាន លោក សុង ច័ន្ទសុជាតិ ប្រធានមន្ទីរបរិស្ថានខេត្តព្រះវិហារបានអោយដឹងថា លោកធ្លាប់បានបញ្ជាអោយមន្ត្រីក្រោមឱវាទបង្ក្រាបហើយ តែបរិស្ថានបង្ក្រាបបានតែក្នុងដែនប៉ុណ្ណោះ និងម្យ៉ាងកំលាំងមានតិច មិនអាចមើលគ្រប់ជ្រុងជ្រោយបានទេ ៕
ដោយ៖ អ្នកប្រមាញ់
