សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់បានជិះម៉ូតូបំណងទៅធ្វេីការស្រាប់តែត្រូវជនសង្ស័យធ្វេីសកម្មភាពឆក់យកការបូបស្ពាយបានសម្រេចហេីយគេចខ្លួនបាត់ដោយសុវត្តិភាពបង្កការភ្ញាក់ផ្អេីលកាលពី
វេលា ម៉ោង ០៧និង ៣៥ នាទី ព្រឹក ថ្ងៃទី ១១ ខែវិច្ឆិកា ឆ្នាំ ២០២១ នៅតាម មហាវិថី ឈ្នះឈ្នះ ភូមិ ស្រែតេជ្ជ: សង្កាត់ សំរោងក្រោម ខណ្ឌពោធិ៍សែនជ័យ រាជធានី ភ្នំពេញ ។
ជនរងគ្រោះ មានឈ្មោះ ជុំ ផា ហៅ ជាម ភេទ ស្រី អាយុ ៤២ ឆ្នាំ មុខរបរបុគ្គលិក កម្មករ ផ្នែក អនាម័យ មាន ទីលំនៅ ខេត្តកំពង់ស្ពឺ ។
សម្ភារៈបាត់បង់ ក្នុង កាបូប លុយ ចំនួន៦០ ម៉ឺន រៀល ខ្សែក ប្លា ទីន៥ ជី ចិញ្ចៀន ប្លាទីន ២,៥ ជី ទូរស័ព្ទដៃ ១ គ្រឿង អត្តសញ្ញាណប័ណ្ណ និង ឯកសារ មួយចំនួនទៀត សរុប ជា ទឹកប្រាក់ អស់ ជាង១ .០០០ ដុល្លារ ។
ជនរងគ្រោះបានឲ្យ ដឹងថាមុន កើតហេតុ រូបគាត់ ជិះ ម៉ូតូ ធ្វើដំណើរ មកពី មើលផ្ទះនៅខេត្តកំពង់ស្ពឺ ឆ្ពោះទៅ កន្លែងធ្វើការនៅ ខណ្ឌចំការមន ដោយធ្វើដំណើរកាត់ តាម មហាវិថី ឈ្នះ ឈ្នះ ពី ត្បូងទៅជើងលុះដល់ ចំណុចកើតហេតុ ស្រាប់តែ លេចមុខ ជនសង្ស័យ១ ក្រុម មាន គ្នា ៤ នាក់ ជិះ ម៉ូតូហុងដា សេ ១២៥ ចំនួន២ គ្រឿង តាមពីក្រោយ ភ្លាមនោះក្រុម ជនសង្ស័យ ឆក់យក កាបូប លុយ របស់គាត់ បានសម្រេចហេីយគេចខ្លួនបាត់ និងបណ្តាលឲ្យ រូបគាត់ ដួល ម៉ូតូ រងរបួស ផងដែរ ។
បើតាម ប្រភពពី ប្រជាពលរដ្ឋដែល នៅក្បែរ កន្លែងកើតហេតុបាន ឲ្យ ដឹងថា នៅ ទីតាំង កើតហេតុ តែងតែមាន បទល្មើស ឆក់កើត ឡើងជាហូរហែរធ្វើឲ្យប្រជាពលរដ្ឋ មានការព្រួយបារម្ភ ខ្លាំងណាស់ ៕
ដោយ៖សុខាសែនជ័យ
