សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងប៉ុស្ដិ៍នគរបាលរដ្ឋបាលទំនប់ទឹក សហការជាមួយកម្លាំងជំនាញនគរបាលព្រហ្មទណ្ឌ នៅវេលាម៉ោង០៦ និង៥០នាទីព្រឹកថ្ងៃទី២៦ ខែមករា ឆ្នាំ២០២២នេះ បានឃាត់ខ្លួនជនសង្ស័យម្នាក់ ករណីឆក់ទូរស័ព្ទដៃ នៅចំណុចផ្លូវលេខ២១៧ កែង៤៣០ ភូមិ៤ ក្រុមទី២៤ សង្កាត់ទំនប់ទឹក ខណ្ឌបឹងកេងកង រាជធានីភំ្នពេញ។
យោងតាមរបាយការណ៍របស់សមត្ថកិច្ចនគរបាលខណ្ឌបឹងកេងកង បានឱ្យដឹងថា ជនសង្ស័យឈ្មោះ ហុង ប៉ាវ ភេទប្រុស ជនជាតិខ្មែរ ស្នាក់នៅផ្ទះគ្មានលេខ ផ្លូវលំ សង្កាត់ជើងឯង ខណ្ឌដង្កោ មុខរបរ គ្មាន (ប្រើប្រាស់ថ្នាំញៀន)។
ចំណែកជនរងគ្រោះឈ្មោះ ញឹល ស្រីមាស ភេទស្រី អាយុ២២ឆ្នាំ ជនជាតិខ្មែរ ស្នាក់នៅផ្ទះលេខ៤៣៣ ផ្លូវលេខ៣៦៩ ភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ មុខរបរ លក់ដូរ។
ដោយឡែកវត្ថុតាងចាប់យក៖ ម៉ូតូម៉ាក Scoopy ពណ៌ស ពាក់ផ្លាកលេខ ភ្នំពេញ 1JB 3415 ជារបស់ជនសង្ស័យ, ទូរស័ព្ទម៉ាក់Iphone X ពណ៌ ស ជារបស់ជនរងគ្រោះ។ ក្រោយកើតហេតុសមត្ថកិច្ច បានប្រគល់ឲ្យជនរងគ្រោះវិញតាមពាក្យស្នើសុំ។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕
ដោយ៖ស តារា
