សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ មានហេតុការណ៍គ្រោះអគ្គិភ័យមួយបានកេីតឡេីង បន្ទាប់ពីអគារភោជនីយដ្ឋានយីហោ”ឌឺអូវើថែម” នៅចំណុចក្រុមទី៤ ស្ថិតក្នុងភូមិរំចេក៥ សង្កាត់រតនៈ ក្រុងបាត់ដំបង ត្រូវបានអគ្គិភ័យឆាបឆេះកាលពីវេលាម៉ោង២ និង៣០នាទីរំលងអធ្រាត្រឈានចូលថ្ងៃទី២៦ ខែមករា ឆ្នាំ២០២២នេះ។
យោងតាមរបាយការណ៍របស់សមត្ថកិច្ចនគរបាលខេត្តបាត់ដំបងបានឱ្យដឹងថា នៅក្នុងហេតុការណ៍អគ្គិភ័យខាងលេីនេះ សមត្ថកិច្ចជំនាញបានចេញរថយន្តពន្លត់អគ្គិភ័យចំនួន៤គ្រឿង ចុះជួយធ្វើអន្តរាគមន៍បាញ់ពន្លត់ដោយប្រើប្រាស់ទឹកអស់ចំនួន៤រថយន្តទើបភ្លើងរលត់ទៅវិញ។ ចំណែកមូលហេតុដែលផ្តើមឱ្យឆេះនេះ គឺស្ថិតក្នុងការស្រាវជ្រាវរបស់សមត្ថកិច្ចជំនាញនៅឡើយ។
របាយការណ៍ដដែលបន្តថា ចំពោះករណីនេះបានបង្កឱ្យមានការខូចខាតអគារភោជនីយដ្ឋានមួយខ្នងមានទំហំ ២០ម៉ែត្រគុណនឹង១៧ម៉ែត្រ សង់អំពីថ្ម កម្ពស់៥ជាន់(ឆេះបន្ទប់ជាន់ទី០៤)រួមនឹងសម្ភារប្រើប្រាស់ក្នុងបន្ទប់មួយចំនួនដែលមានម្ចាស់ឈ្មោះ នី សារ ភេទប្រុស អាយុ ២៧ ឆ្នាំ សរុបជាទឹកប្រាក់ប្រហែល ២៨.០០០ដុល្លារ ( ពីរមុឺនប្រាំបីពាន់ដុល្លារ )៕
ដោយ៖សហការី
