សារព័ត៌មាន នគរវត្ត តែងតែនាំមុខគេជានិច្ច
កីឡាករលំដាប់លេខ១ពិភពលោក Novak Djokovic គ្រោងនឹងវិលចូលប្រឡូកក្នុងទីក្រុងឌូបៃ នៅខែក្រោយ។ កីឡាករវ័យ៣៤ឆ្នាំត្រូវបាននិរទេសចេញពីប្រទេសអូស្ត្រាលីនៅមុនព្រឹត្តិការណ៍ Australian Open បន្ទាប់ពីចាញ់ ក្តីតុលាការដើម្បីបដិសេធការលុបចោលទិដ្ឋាការរបស់គាត់ចូលប្រទេសអូស្ត្រាលី។កីឡាករវាយតឺន្នីសឈ្នះពានរង្វាន់ Grand Slam ២០សម័យគឺស្ថិតនៅក្នុងបញ្ជីសម្រាប់ព្រឹត្តិការណ៍ Dubai ATP Tour ដែលចាប់ផ្តើមនៅថ្ងៃទី២១ខែកុម្ភៈខាងមុខ។ អ្នកចូលទីក្រុងឌូបៃ ជាកន្លែងដែលបុរសជនជាតិស៊ែប៊ីរូបនេះឈ្នះ៥ដង មិនចាំបាច់ចាក់វ៉ាក់សាំងប្រឆាំង Covid-19 ទេ។
កីឡាវាយតឺន្នីសអូស្ត្រាលីម្នាក់បាននិយាយថា ខ្លួនសោកស្តាយយ៉ាងខ្លាំងចំពោះផលប៉ះពាល់នៃការនិរទេសរបស់ Djokovic ទៅលើកីឡាករនៅក្នុងព្រឹត្តិការណ៍ Australian Open ខណៈដែលការផ្តោតទៅលើជោគវាសនារបស់ម្ចាស់ជើងឯកឆ្នាំ២០២១បានគ្របដណ្ដប់លើការកសាងឡើងនៃការប្រកួតនៅឆ្នាំនេះ។
ដំបូងឡើយ Djokovic ត្រូវបានផ្តល់ការលើកលែងផ្នែកវេជ្ជសាស្រ្តឱ្យចូលក្នុងប្រទេសអូស្ត្រាលីដោយក្រុមសុខភាពឯករាជ្យចំនួនពីរ បន្ទាប់ពីបានធ្វើតេស្តវិជ្ជមាននៅពាក់កណ្តាលខែធ្នូ ប៉ុន្តែកងកម្លាំងព្រំដែនអូស្ត្រាលីបានឃុំខ្លួនគាត់ដោយមិនបានបំពេញតាមតម្រូវការច្បាប់ប្រឆាំងនឹងCovid-19 របស់សហព័ន្ធប្រទេសនេះ ៕
ដោយ៖ ភារៈ(រូបភាព ៖ BBC Sport)
