សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តហ៊ីយ៉ាន់ដាយមួយគ្រឿងបេីកវ៉ាជែងកៀររ៉ឺម៉កលក់មីឆាបណ្តាលឲ្យទៅប៉ះនិងរុឺម៉កដឹកទឹកកកគាបជាប់និងរថយន្តម៉ាកFordមួយគ្រឿងទៀតរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង១១ព្រឹកថ្ងៃទី១៥ ខែកុម្ភៈ ឆ្នាំ២២២ នៅចំណុចច្រកចូលសាលារៀនសុវណ្ណភូមិ តាមបណ្តោយផ្លូវជាតិលេខ៣ ស្ថិតក្នុងភូមិព្រៃព្រីងត្បូង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តម៉ាកFordពណ៌ស ពាក់ស្លាកលេខភ្នំពេញ2AK 8711 បេីកបរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជេីងយឺតៗ ស្របជាមួយរ៉ឺម៉កលក់មីឆានិងរ៉ឺម៉កដឹកទឹកកក ភ្លាមនោះស្រាប់តែមានរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3F 4729 ធ្វេីដំណេីរមកពីក្រោយបេីកកៀររ៉ឺម៉កលក់មីឆា ហេីយរ៉ឺម៉កលក់មីឆាបន្តកៀររ៉ឺម៉កដឹកទឹកកក រ៉ឺម៉កទឹកទឹកកកក៏បន្តទៅគាបជាប់រថយន្តFord រងការខូចខាតយ៉ាងដំណំ សំណាងម្ចាស់រ៉ឺម៉កលក់មីឆារបួសស្រាល តែបង្កការកកស្ទះចរាចរណ៍យ៉ាងខ្លាំង។
ក្រោយកេីតហេតុសមត្ថកិច្ចចុះមកដល់ចំណុចកេីតហេតុគូសវាសដេីម្បីយករ៉ឺម៉កអែបខាងនិងឲ្យភាគីទាំងអស់សម្របសម្រួលគ្នា៕
ដោយ៖សុខាសែនជ័យ
