សារព័ត៌មាន នគរវត្ត តែងតែនាំមុខគេជានិច្ច
ក្លិបយក្សអធិរាជស Real Madrid ត្រៀមនឹងចូលរួមប្រជែងជាមួយក្លិបបិសាចក្រហម Manchester United ក្នុងការតាមប្រមាញ់លោកMauricio Pochettino ដែលរំពឹងថា នឹងចាកចេញពី Paris Saint-Germain នៅចុងបញ្ចប់នៃរដូវកាលនេះ។ ក្លិប Real Madrid រួមជាមួយនឹង Tottenham បានបរាជ័យក្នុងការប៉ុនប៉ងទាក់ទាញលោកPochettino ឱ្យចាកចេញពី PSG កាលពីរដូវក្តៅមុន ដោយសារតែក្លិបបារាំងមិនមានបំណងអនុញ្ញាតឱ្យបុរសសញ្ជាតិអាហ្សង់ទីនចាកចេញ។
លោក Pochettino នឹងអាចទទួលបាននៅចុងបញ្ចប់នៃរដូវកាលនេះ ហើយក្លិបយក្សអេស្ប៉ាញ Real Madrid នៅតែទទួលបានការកោតសរសើរយ៉ាងខ្លាំងចំពោះអតីតគ្រូបង្វឹកក្រុម Spurs ខណៈដែលការសង្ស័យកើតឡើងលើអនាគតរបស់លោក Carlo Ancelotti នៅ Bernabeu ។
កីឡាកររបស់ Real Madrid ត្រូវបានអ្នកគាំទ្រសើចចំអកអំឡុងពេលឈ្នះ ៣-១ លើក្រុម Alaves កាលពីថ្ងៃសៅរ៍ ចំពេលមានរបាយការណ៍ថា លោក Ancelotti អាចចាកចេញពីអេស្ប៉ាញនៅចុងបញ្ចប់នៃរដូវកាលនេះ។ រដូវកាលចុងក្រោយរបស់ក្លិប La Liga ជាពិសេសរបៀបដែលពួកគេស្ថិតក្នុងក្របខ័ណ្ឌ Champions League ទំនងជាមានកត្តាសំខាន់លើការសម្រេចចិត្តរបស់អ្នកចាត់ការ Real Madrid នៅមុនរដូវកាលក្រោយ។ជាមួយគ្នានេះលោក Pochettino រួមជាមួយនឹងលោក Erik ten Hag ដែលជាគ្រូបង្វឹករបស់ក្លិប Ajax គឺស្ថិតក្នុងចំណោមគូប្រជែងដ៏សំខាន់ដើម្បីជំនួសតំណែងលោក Ralf Rangnic ដែលជាគ្រូបង្វឹកបណ្តោះអាសន្នបច្ចុប្បន្ន។
លោក Pochettino គឺជាជម្រើសដ៏ពេញចិត្តក្នុងចំណោមកីឡាកររបស់ Man United បច្ចុប្បន្នដែលកីឡាករភាគច្រើនចង់ឲ្យលោកមកដឹកនាំនៅរដូវកាលក្រោយនេះ។
ចំណែកចំណុចគួរឱ្យចាប់អារម្មណ៍មួយទៀតគឺខ្សែប្រយុទ្ធ Kylian Mbappe របស់ PSG អាចនឹងចាកចេញជាកត្តាមួយ ដែល Real Madrid បង្កើនការចំណាប់អារម្មណ៍លើលោក Pochettino។ ខ្សែប្រយុទ្ធបារាំងរូបនេះ និងលោក Pochettino បានបង្កើតទំនាក់ទំនងជិតស្និទ្ធនៅក្នុងក្លិបហើយ Mbappe ជាគោលដៅអាទិភាពសម្រាប់ Real Madrid នៅមុនរដូវកាលក្រោយ ៕
ដោយ៖ ភារៈ(រូបភាព ៖ dailymail.com)
