សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្លាប់ភ្លាមៗយ៉ាងអាណោចអាធ័មខណៈជិះម៉ូតូចេញពីធ្វេីការហេីយត្រូវរថយន្តមិនស្គាល់ម៉ាកបេីកកៀរហេីយគេចខ្លួនបាត់។
ហេតុការណ៍នេះបានកេីតឡេីងកាលពីវេលាម៉ោង២០និង៤០នាទី ថ្ងៃទី២៣ខែកុម្ភៈ ឆ្នាំ២០២២ នៅតាមបណ្ដោយផ្លូវជាតិលេខ៤ ភូមិថ្នល់បំបែកសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះឈ្មោះ ចាន់ សីហា ហៅកុយ ភេទប្រុស អាយុ២៩ ឆ្នាំ មុខកម្មករសំណង់ ទីលំនៅបច្ចុប្បន្ន ផ្ទះជួលភូមិព្រៃទា១សង្កាត់ចោមចៅទី៣ ខណ្ឌពោធិ៍សែនជ័យ ស្រុកកំណើត ភូមិទួលច្រេសឃុំក្រសាំង ស្រុករមាសហែក ខេត្តស្វាយរៀង ។
ជនរងគ្រោះជិះម៉ូតូម៉ាក ឌ្រីមសង់ស៊េរីឆ្នាំ ២០១៦ពណ៌ខ្មៅ ពាក់ស្លាក ភ្នំពេញ1FV0392 ។
តាមប្រភពព័ត៌មាន ពីកន្លងកើតហេតុបានឲ្យដឹងថា នៅមុនពេលកើតហេតុ គេឃើញ រថយន្តនិងម៉ូតូ បើកបរស្របគ្នា ពីលិចទៅកើត លុះមកដល់កន្លែងកើតហេតុ ស្រាប់តែ រថយន្ត បានបើកកៀរ បណ្ដាលឲ្យ ម៉ូតូជនរងគ្រោះដួលបោកក្បាលទៅនឹងរបាំងថ្មពុះចែកទ្រូងផ្លូវ ស្លាប់ភ្លាមៗ នៅនឹងកន្លែង កើតហេតុ ក្រោយពេលកើតហេតុ រថយន្ត បាន បេីកគេចទៅបាត់ ។
បច្ចុប្បន្ន សព ត្រូវបានសមត្ថកិច្ច ប្រគល់ទៅឲ្យក្រុមគ្រួសារ យកទៅ ធ្វើបុណ្យតាមប្រពៃណី នៅ ស្រុកកំណើត ចំណែកម៉ូតូត្រូវបានសមត្ថកិច្ចធ្វេីការវាស់វែងយកទៅ រក្សាទុក នៅការិយាល័យចរាចរណ៍រាជធានីភ្នំពេញ ដេីម្បីរង់ចាំស្រាវជ្រាវតាមចាប់រថយន្តបង្កមកដោះស្រាយតាមច្បាប់៕
ដោយ៖សុខាសែនជ័យ
