សារព័ត៌មាន នគរវត្ត តែងតែនាំមុខគេជានិច្ច
. ភ្នំពេញ ៖ អង្គភាពស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី៣ ខែមីនា ឆ្នាំ២០២២ បានបញ្ជាក់អោយដឹងថា, ជនសង្ស័យចំនួន១០នាក់ ពាក់ព័ន្ធករណីជួញដូរដោយខុសច្បាប់ នូវសារធាតុញៀន ត្រូវបានកម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ បើកប្រតិបត្តិការចុះបង្ក្រាប និងឃាត់ខ្លួន នៅថ្ងៃទី០២ ខែមីនា ឆ្នាំ២០២២ វេលាម៉ោង២៣:០០នាទី ដោយបានការអនុញ្ញាតពីលោក ទី មុនិន្ទ ព្រះរាជអាជ្ញារង និងមានការចូលរួមផ្ទាល់ពីលោក ផាន់ ពិសិដ្ឋ ក្រឡាបញ្ជី មន្ត្រីអនុវត្តច្បាប់ការិយាល័យប្រឆាំងគ្រឿងញៀន កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ បានបើកប្រតិបត្តិការចុះបង្ក្រាប និងឃាត់ខ្លួនជនសង្ស័យចំនួន១០នាក់ ស្រី០២នាក់ ពាក់ព័ន្ធករណីជួញដូរដោយខុសច្បាប់ នូវសារធាតុញៀន នៅចំណុចសំណង់មិនរៀបរយ ផ្ទះឈើគ្មានលេខ (ផ្ទះហ្គេមបាញ់ត្រី) ផ្លូវបេតុង ក្រុម១៤ ភូមិផ្សារតូច សង្កាត់ទួលសង្កែទី១ ខណ្ឌឫស្សីកែវ។
សមត្ថកិច្ចបានបន្តថា, វត្ថុតាងចាប់យករួមមាន ៖ ក្រាមពណ៌សថ្លា សង្ស័យជាសារធាតុញៀន ចំនួន០៣កញ្ចប់, ឧបករណ៍សម្រាប់ប្រើប្រាស់គ្រឿងញៀន ចំនួនមួយ, ដែកកេះ ចំនួន០១។
បច្ចុប្បន្នជនសង្ស័យ រួមនិងវត្ថុតាង កំពុងឃាត់ខ្លួននៅការិយាល័យប្រឆាំងគ្រឿងញៀន កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕
ដោយ ៖ ស តារា
