សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ករណីគ្រោះថ្នាក់ចរាចរណ៍មួយដែលកើតឡើងរវាងរថយន្តនិងម៉ូតូបណ្ដាលឲ្យរងការខូចខាតទាំងសងខាងនិងបុរសម្នាក់រងរបួសធ្ងន់បញ្ជូនទៅសង្គ្រោះភ្លាមៗ។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៨និង ៣០នាទីព្រឹក ថ្ងៃទី ៣ ខែមីនា ឆ្នាំ២០២២ ទីតាំងកន្លែងកើតហេតុស្ថិតនៅតាមបណ្ដោយផ្លូវបេតុង ក្នុងភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ។
តាមប្រភពព័ត៌មាននៅទីតាំងកន្លែងកើតហេតុបានឲ្យដឹងថាមុនដំបូងគេបានឃើញរថយន្តព្រូសពណ៌សមួយគ្រឿងពាក់ស្លាកលេខ ភ្នំពេញ 2AW-8488 ធ្វើដំណើរក្នុងទិសដៅពីកើតទៅលិចរហូតមកដល់ចំណុចកើតហេតុបានបុកជាមួយម៉ូតូស្គូពីពណ៌សមួយគ្រឿងពាក់ស្លាកលេខភ្នំពេញ 1CZ-0234 ដែលបើកបរបញ្ច្រាសទិសគ្នាបណ្ដាលឲ្យដួលរងរបួសធ្ងន់បញ្ជូនទៅសង្គ្រោះភ្លាមៗ។
ក្រោយពេលកើតហេតុសមត្ថកិច្ចមូលដ្ឋាន និងជំនាញចរាចរណ៍នៃអធិការដ្ឋាននគរបាលខណ្ឌសែនសុខចុះដល់ទីតាំងធ្វើការវាស់វែងយកសម្ភារទាំងសងខាងទៅរក្សាទុកដើម្បីរង់ចាំការដោះស្រាយពេលក្រោយ៕
ដោយ៖និនសុភ័ស្ត
