សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តធុនធំមួយគ្រឿងខណៈកំពុងបេីកបរផ្លូវស្ទះហ្វ្រ័ងមិនជាប់ជ្រុលបុកកង់បីឥណ្ឌារុញទៅបុករ៉ឺម៉កដឹកទឹកសុទ្ធបន្តបុករថយន្តCRV រុញទៅបុកម៉ូតូ៥គ្រឿងបណ្តាលឲ្យរងការខូចខាតយ៉ាងដំណំ សំណាងមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង៤និង៣០នាទីរសៀល ថ្ងៃទី៥ ខែមីនា ឆ្នាំ២០២២ នៅចំណុចមុខផ្សារចោមចៅ តាមបណ្តោយផ្លូវចោមចៅ ក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តម៉ាកFUSO ពណ៌ស ពាក់ស្លាកលេខភ្នំពេញ5A. 1276 ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីតចុះផ្លូវក្រោមដីឆ្ពោះទៅផ្លូវចោមចៅខណៈមកដល់ចំណុចកេីតហេតុដោយស្ថានភាពផ្លូវកំពុងស្ទះស្រាប់តែហ្វ្រ័ងមិនជាប់ក៏ជ្រុលទៅបុករ៉ឺម៉កកង់បីឥណ្ឌាពីក្រោយរុញទៅបុករ៉ឺម៉កដឹកទឹកសុទ្ធរុញទៅបុករថយន្តCRV មួយគ្រឿងទៀតបន្តរុញទៅបុកម៉ូតូចំនួន៥គ្រឿងបន្ថែមបណ្តាលឲ្យរងការខូចខាតយ៉ាងដំណំតែសំណាងមិនមានមនុស្សរងរបួស។
ក្រោយកេីតហេតុសមត្ថកិច្ចជំនាញបានចុះធ្វេីការវាស់វែងយកសម្ភារទាំងអស់ទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរង់ចាំដោះស្រាយពេលក្រោយ៕
ដោយ៖សុខាសែនជ័យ
