សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ បុរសម្នាក់រួមនិងគ្រឿងញៀនជាច្រេីនកញ្ចប់ ត្រូវបានកម្លាំងនគរបាលខេត្តព្រះសីនុ ស្រាវជ្រាវបង្ក្រាប និងឃាត់ខ្លួន កាលពីវេលាម៉ោង២២និង៣០នាទីយប់នៅថ្ងៃពុធទី១៦ ខែមីនា ឆ្នាំ២០២២ នៅចំណុចភូមិដូង ក្រុម១៧ សង្កាត់៤ ក្រុង-ខេត្តព្រះសីហនុ ។
ជនសង្ស័យមានឈ្មោះ ចាន់ រតនា ភេទប្រុស ឆ្នាំកំណើត ១៩៩១ ជនជាតិខែ្មរ មុខរបរ មិនពិតប្រាកដ ទីលំនៅបច្ចុប្បន្ន ក្រុមទី១៦ ភូមិ០១ សង្កាត់៤ ក្រុង-ខេត្តព្រះសីហនុ ស្រុកកំណេីត ក្រុម១៦ ភូមិ០១ សង្កាត់៤ ខណ្ឌ័មិត្តភាព ក្រុង-ខេត្តព្រះសីហនុ ។
យោងតាមរបាយការណ៍របស់នគរបាលខេត្តព្រះសីហនុ បានឱ្យដឹងថា ដោយមានការដឹកនាំបញ្ជាពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងប្រឆាំងគ្រឿងញៀន នៃអធិការដ្ឋាននគរបាលក្រុងព្រះសីហនុ ឃាត់ខ្លួនជនសង្ស័យម្នាក់ ពាក់ព័ន្ធនឹងករណីគ្រឿងញៀន។
ចំណែកដកហូតវត្ថុតាងរួមមាន៖
-ម្សៅក្រាមពណ៌សថ្លា សង្ស័យសារធាតុញៀនចំនួន ៧កញ្ចប់ ។
បច្ចុប្បន្នជនសង្ស័យខាងលេីកំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដេីម្បីធ្វេីការសាកសួរ និង ចាត់ការតាមផ្លូវច្បាប់៕
ដោយ៖សហការី
