សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីករ៉ឺម៉កម៉ូតូធុនធំឆ្លងផ្លូវមិនប្រយ័ត្នត្រូវរថយន្តស្តារិចបុកពេញទំហឹងខ្ទាតទៅប៉ះរថយន្តFord មួយគ្រឿងទៀតបណ្តាលឱ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង២និង៥០នាទីរសៀលថ្ងៃទី១៧ ខែមីនា ឆ្នាំ២០២២ នៅចំណុចមុខវត្តជម្ពូវ័ន តាមបណ្តោយផ្លូវជាតិលេខ៤ ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមសាក្សីនៅកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់បេីករ៉ឺម៉កម៉ូតូកង់បីធុនធំឆ្លងផ្លូវពីត្បូងទៅជេីង ខណៈទៅដល់ពាក់កណ្តាលផ្លូវស្រាប់តែមានរថយន្តម៉ាកស្តារិច ពណ៌ទឹកប្រាក់ ពាក់ស្លាកលេខត្បូងឃ្មុំ 2A- 1759 ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីតជ្រុលទៅបុករ៉ឺម៉កម៉ូតូនោះពេញទំហឹងបណ្តាលឱ្យរងការខូចខាតយ៉ាងដំណំហេីយបានខ្ទាតទៅប៉ះរថយន្តម៉ាកFord ពណ៌ទឹកប្រាក់ ពាក់ស្លាកលេខភ្នំពេញ2AW-9132 បណ្តាលឱ្យរងការខូចខាត។
ក្រោយកេីតហេតុសមត្ថកិច្ចបានចុះមកដល់ធ្វើការគូសវាសនិងយកយានយន្តបង្កហេតុនិងរងគ្រោះទៅដាក់អែបខាងដេីម្បីឱ្យភាគីទាំងសងខាងសម្របសម្រួលគ្នា៕
ដោយ៖សុខាសែនជ័យ
