សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានការវាយតប់គ្នាឡេីងផ្អេីលពេញផ្លូវ បន្ទាប់ពីជជែកគ្នាមិនត្រូវក្នុងករណីគ្រោះថ្នាក់ចរាចរណ៍រវាងរថយន្ត LEXUS GS300 បុកឡំប្រឺតាខ្ទាតឡេីងលេីសួនពុះចែកទ្រូងផ្លូវរងការខូចខាត កាលពីវេលាម៉ោង១និង១០នាទីរំលងអធ្រាត្រឈានចូលថ្ងៃទី២០ ខែមីនា ឆ្នាំ២០២២ នៅតាមបណ្ដោយផ្លូវលេខ២១៧ (ចំការដូង) ក្នុងសង្កាត់ដង្កោ ខណ្ឌដង្កោ រាជធានីភ្នំពេញ ។
តាមប្រភពព័ត៌មាននៅកន្លែងកេីតហេតុបានឱ្យដឹងថា មុនពេលកេីតហេតុនេះ មានបុរសម្នាក់បេីកឡំប្រឺតា ពណ៌ស ពាក់ស្លាកកលេខ ស្វាយរៀង 1O-0341 ធ្វេីដំណេីរតាមបណ្ដោយផ្លូវលេខ២១៧ពីត្បូងទៅជេីង ខណៈបើកមកដល់ចំណុចកេីតហេតុក៏វៃភ្លើងសុីញ៉ូឆ្វេងបំណងបត់ឆ្លងផ្លូវ ស្រាប់តែភ្លាមនោះមានរថយន្តម៉ាក LEXUS GS300 បេីកបរដោយនារីម្នាក់ និងមាននារីជាច្រេីននាក់ទៀតរួមដំណេីរជាមួយបើកមកពីក្រោយក្នុងល្បឿនលឿន ជាន់ហ្វ្រង់មិនទាន់ក៏បុកឡំប្រឺតាពីក្រោយពេញទំហឹងបណ្ដាលឱ្យឡំប្រឺតាខ្ទាតឡេីងលេីសួនពុះចែកទ្រូងផ្លូវរងការខូចខាតយ៉ាងដំណំ ចំណែកម្ចាស់ឡំប្រឺតារងរបួសស្រាល។
ក្នុងហេុការណ៍គ្រោះថ្នាក់ចរាចរណ៍ខាងលេីនេះក៏មានបងប្អូនអ្នកស្គាល់គ្នានឹងម្ចាស់ឡំប្រឺតា រួមទាំងរថយន្តខាងលេីមកសម្របសម្រួលគ្នាផងដែរ តែពួកគេនិយាយសម្រួលគ្នាយូរៗទៅក៏កើតមានទំនាស់ពាក្យសម្ដីបង្កជាហិង្សាវាយតប់គ្នាមួយប្រាវ ទេីបសមត្ថកិច្ចមូលដ្ឋានចុះមកដល់ រួចសហការជាមួយសមត្ថកិច្ចជំនាញចរាចរណ៍ប្រចាំខណ្ឌដង្កោធ្វេីការវាស់វែងយកឡំប្រឺតារងគ្រោះ និងរថយន្តខាងលេីទៅរក្សាទុក រង់ចាំដោះស្រាយគ្នាតាមក្រោយ ៕
ដោយ ៖ ភារ៉ា ដង្កោ
