ព័ត៌មានទាន់ហេតុការណ៍៖

អគ្គិភ័យឆាបឆេះឃ្លាំងស្តុកកៅអីនិងក្តារខៀនចាស់ៗអស់ទាំងស្រុង​នៅក្នុងសាកលវិទ្យាល័យភូមិន្ទភំ្នពេញ

ចែករំលែក៖

ភ្នំពេញ​ ៖​ មានករណីអគ្គិភ័យ​មួយបានឆាបឆេះឃ្លាំងស្តុកកៅអីនិងក្តារខៀនចាស់ៗអស់ទាំងស្រុង​នៅក្នុងសាកលវិទ្យាល័យភូមិន្ទភំ្នពេញ​ បង្កការភ្ញាក់ផ្អេីលកាលពីវេលាម៉ោង​០៧និង១០​នាទីយប់ ថ្ងៃចន្ទ​ ១១រោច ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២៨ ខែមីនាឆ្នាំ២០២២​ តាម​បណ្ដោយ​មហាវិថីសហព័ន្ធរុស្សី ក្នុងភូមិ១៦ ក្រុម៦១ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។ 

    សមត្ថកិច្ចបានឱ្យដឹងថា​ អ្នកគ្រប់គ្រងទីតាំងឈ្មោះ​ សំ សំអុល ភេទប្រុស អាយុ​ ៥៥​ឆ្នាំ មុខរបរ ប្រធានការិយាល័យរដ្ឋបាល ។ ចំពោះមូលហេតុគឺបណ្ដាល​មក​ពី​ឆ្លងចរន្តអគ្គិសនី ។

   ប្រភេទសំណង់: ថ្មបេងតុង ទំហំ ៨ម៉ែត្រx២៥ម៉ែត្រ ដោយខូចខាតសម្ភារឃ្លាំងស្តុកកៅអីចាស់ៗ ក្តារខៀនអស់ទាំងស្រុង​ តែពុំបណ្ដាលឱ្យឆេះរាលដាលដល់អ្នកក្បែរខាងឡើយ។

  ក្នុងហេតុការណ៍នេះមិនបណ្ដាលឱ្យមនុស្សណាម្នាក់ស្លាប់​ ឬរងរបួស​នោះទេ​ ដោយកម្លាំង​អន្តរាគមន៍​បង្ការ​ពន្លត់​អគ្គិភ័យ​បាន​ប្រេី​ប្រាស់​រថយន្តពន្លត់អគ្គិភ័យ​ចំនួន៨​គ្រឿង ប្រេីប្រាស់ទឹកអស់ ៥​រថយន្ត​ ស្មើនឹង២០ម៉ែត្រគូប ហើយបានពន្លត់ចប់​នៅវេលា​ម៉ោង​៨និង០០នាទី​ យប់ថ្ងៃខែឆ្នាំដដែល ៕

ដោយ​ ៖​ ភារ៉ា​ ដង្កោ​


ចែករំលែក៖