សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្ដសណ្តោងកុងតឺន័រមួយគ្រឿងខណៈដែលអ្នកបេីកបរខ្វះការប្រុងប្រយ័ត្នបានបើកទៅកៀររថយន្តតូយ៉ូតាព្រូស ដែលកំពុងបេីកបត់ស្ដាំក្នុងទិសដៅស្របគ្នាបណ្តាលឱ្យរងការខូចខាត កាលពីវេលាម៉ោង១១យប់ថ្ងៃទី២៨ ខែមីនា ឆ្នាំ២០២២ នៅចំណុចភ្លើងស្តុបសេះមាស ផ្លូវវេងស្រេង កែងផ្លូវ៣០ម៉ែត្រ ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ ។
យោងតាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកេីតហេតុគេបានឃើញបុរសម្នាក់បេីករថយន្តម៉ាកតូយ៉ូតាព្រូស ពណ៌ប្រផេះ ពាក់ស្លាកលេខ ភ្នំពេញ 2BO-7384 បានបេីកតាម បណ្ដោយផ្លូវវេងស្រេងក្នុងទិសដៅពីកេីតទៅលិច លុះមកដល់ចំណុចកេីតហេតុក៏បានបត់ស្តាំឡើងទៅផ្លូវ៣០ម៉ែត្រ ហើយគាប់ជួនពេលនោះដែរក៏មានបុរសម្នាក់ទៀតបានបេីករថយន្តសណ្តោងកុងតឺន័រ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3B-2550 ធ្វើដំណើរក្នុងទិសដៅស្របគ្នា ហើយបត់ស្ដាំដូចគ្នាក៏ជ្រុលទៅកៀររថយន្តតូយ៉ូតាព្រូស បណ្ដាលឱ្យរងការខូចខាតក្រពឹតផ្នែកខាងក្រោយចំហៀងខាងឆ្វេង ក៏ដូចជាបែកកង់ តែមិនមានគ្រោះថ្នាក់ដល់មនុស្សនោះទេ។ ដោយឡែក ខាងរថយន្តសណ្តោងកុងតឺន័រវិញអត់មានរងការខូចខាតអ្វីនោះទេ។
ក្រោយពេលកេីតហេតុ ដោយតែភាគីទាំងសងខាងមានក្រុមហ៊ុនធានារ៉ាប់រងបានមកធ្វើការសម្របសម្រួលគ្នា ដោយខាងរថយន្តសណ្តោងកុងតឺន័រសុខចិត្តយករថយន្តតូយ៉ូតាព្រូសទៅជួសជុលឱ្យវិញដេីម្បីបញ្ចប់រឿង ៕
ដោយ ៖ ភារ៉ា ដង្កោ
