សារព័ត៌មាន នគរវត្ត តែងតែនាំមុខគេជានិច្ច
ក្រុមជម្រើសជាតិសេណេហ្គាល់បានយកឈ្នះលើក្រុមជម្រើសជាតិអេហ្ស៊ីបម្តងទៀតដើម្បីយកកៅអីទៅលេងWorld Cupក្នុងប្រទេសកាតាដោយបាល់ប៉េណាល់ទី។
សេណាហ្គាល់បានយកឈ្នះអេហ្ស៊ីបម្តងរួចមកហើយកាលពីកម្មវិធី Africa Cup of Nations ហើយម្តងនេះអេហ្ស៊ីបបានចាញ់ដោយបាល់ប៉េណាល់ទីខណៈកីឡាករលំដាប់ពិភពលោក Mohamed Salah ត្រូវបានអ្នកគាំទ្របាញ់ lasers ដាក់មុខធ្វើឲ្យរូបគាត់ស៊ុតបាល់មិនចូល ចំណែកឯមិត្តរួមក្រុមហង្សក្រហមLiverpoolកីឡាករ Sadio Mane របស់ក្រុមជម្រើសជាតិសេណាហ្គាល់គឺជាអ្នកស៊ុតបាល់យកឈ្នះតែម្តង។
កាលពីជើងទី១ ក្រុមជម្រើសជាតិអេហ្ស៊ីបបានទទួលលទ្ធផលល្អ ខណៈក្នុងការប្រកួត Play-off ជើងទី២នៅយប់មិញនេះ ក្រុមសេណេហ្គាល់យកឈ្នះអេហ្ស៊ីបបានក្នុងលទ្ធផល ១-០ ហើយលទ្ធផលនេះដែរគិតទាំងពីរជើងទៅ គឺពួកគេស្មើគ្នា ១-១។ ការប្រកួតត្រូវថែម១៥នាទីចំនួន២ដងហើយមិនមានការប្រែប្រួលអ្វីទេ រហូតត្រូវកាត់សេចក្ដីដោយបាល់១១ម៉ែត្រតែម្ដង។
ក្រោយពេលកាត់សេចក្តីដោយបាល់ប៉េណាល់ទី ក្រុម សេណេហ្គាល់ ជាអ្នកបានឡើងទៅលេង World Cup 2022 នៅប្រទេសកាតា ៕
ដោយ៖ ភារៈ(រូបភាព៖ dailymail)
