សារព័ត៌មាន នគរវត្ត តែងតែនាំមុខគេជានិច្ច
អ្នកចាត់ការបច្ចេកទេសក្លិបលោក Gerry Hamstra បាននិយាយថា ក្លិប Ajax បានធ្វើអ្វីគ្រប់យ៉ាងដែលអាចធ្វើទៅបាន ដើម្បីរក្សាលោក Erik ten Hag ឲ្យដឹកនាំក្លិបបន្ត ចំពេលមានគោលដៅចាប់អារម្មណ៍ក្លាយជាអ្នកចាត់ការ Manchester United នៅរដូវកាលក្រោយនោះ។
Man Utd ជិតឈានដល់ការបញ្ជាក់ពីការតែងតាំងលោក Ten Hag លើកិច្ចសន្យារយៈពេល៣ឆ្នាំដែលរំពឹងទុក ចំពេលដែលក្រុម Ajax បានចាញ់ការប្រកួតវគ្គផ្តាច់ព្រ័ត្រ Dutch Cup ក្នុងលទ្ធផល 2-1 ក្រោមស្នាដៃក្រុម PSV Eindhoven កាលពីថ្ងៃអាទិត្យ។
លោក Hamstra បានប្រាប់សារព័ត៌មាន ESPN និង BBC Sport មុនពេលបរាជ័យថា “យើងសង្ឃឹមថាគាត់នៅ។ យើងត្រូវប្រកាន់ខ្ជាប់នូវការពិត គាត់មិនទាន់ចាកចេញនៅឡើយទេ” ។
លោក Ten Hag មិនត្រូវបានគេរំពឹងថា នឹងក្លាយជាគ្រូបង្វឹកថ្មីរបស់ Man Utd នៅមុនការប្រកួតវគ្គផ្តាច់ព្រ័ត្រនៅថ្ងៃអាទិត្យនោះទេ។ ក្រុមរបស់គាត់នាំមុខគេនៅលីកកំពូលហុល្លង់ Eredivisie ដោយមាន៤ពិន្ទុដាច់ពីក្រុមលេខ២ PSV ខណៈដែលក្រុម Ajax មានបំណងចង់ឈ្នះពានរង្វាន់លីកហូឡង់ជាលើកទី៣ក្រោមការដឹកនាំរបស់លោក Ten Hag ។
លោក Hamstra បានអះអាថា “មានការចាប់អារម្មណ៍សម្រាប់លោកErik ten Hag ដែលជារឿងធម្មតា។ គាត់ធ្វើបានល្អណាស់ យើងបានធ្វើអ្វីគ្រប់យ៉ាងដែលអាចធ្វើទៅបានដើម្បីរក្សាគាត់នៅ Ajax ។ គាត់បានប្រតិកម្មថា គាត់កំពុងផ្តោតលើ Ajax ឥឡូវនេះ។ យើងកំពុងរៀបចំសម្រាប់សេណារីយោ២ គឺលោក Ten Hag អាចនឹងស្នាក់នៅ ឬអាចចាកចេញ” ។
សូមបញ្ជាក់ថា ក្រុម Ajax បាននាំមុខបន្ទាប់ពី២៣នាទីក្នុងការប្រកួតវគ្គផ្តាច់ព្រ័ត្រហុល្លង់ខាប់ (Dutch Cup) នៅពេលដែលកីឡាករ Ryan Gravenberch ស៊ុតបញ្ចូលទី។ ទោះបីជាយ៉ាងណាក៏ដោយ គ្រាប់បាល់របស់កីឡាករ Noussair Mazraoui ត្រូវបានពិនិត្យដោយ VAR មុនពេលកីឡាករ Erick Gutierrez និង Cody Gakpo ស៊ុតបញ្ចូលទីឱ្យក្រុមPSV ក្នុងជ័យជម្នះ២ទល់១ ៕
ដោយ៖ ភារៈ(រូបភាព ៖ BBC Sport)
