សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធឆ្នើម Cristiano Ronaldo បានចាកចេញពី Real Madrid នៅរដូវក្តៅឆ្នាំ២០១៨ បន្ទាប់ពីឈ្នះពានរង្វាន់ Champions League ជាលើកទី៣ជាប់ៗគ្នាជាមួយក្លិបនេះ។ ពីទីនោះគាត់បានផ្លាស់ទៅ Juventus ហើយសម្រាប់រដូវកាលមុនគាត់បានត្រឡប់ទៅ Manchester United ដែលជាក្រុមដែលគាត់ទទួលបានភាពល្បីល្បាញទូទាំងពិភពលោក។ ជាអកុសលសម្រាប់ភាគីទាំង២ បទពិសោធន៍មិនមែនជាការរីករាយសម្រាប់នរណាម្នាក់ឡើយ ពិសេសគឺកីឡាកររូបនេះ។
នៅវ័យ៣៧ឆ្នាំ កីឡាករព័រទុយហ្គាល់រូបនេះអាចផ្លាស់ប្តូរក្រុមម្តងទៀត ព្រោះវាហាក់បីដូចជាគ្រូបង្វឹកថ្មីរបស់គាត់នៅបិសាចក្រហមលោក Erik ten Hag មិនជឿជាក់ខ្លាំងថាមានបុគ្គលិកលក្ខណៈនៅក្នុងការកសាងឡើងវិញដែលអាចកើតមានសម្រាប់រដូវកាលក្រោយនោះទេ។ បើទោះបីជា Ronaldo បានចុះហត្ថលេខាកាលពីរដូវក្តៅមុននូវកិច្ចសន្យារយៈពេល២រដូវកាលជាមួយនឹងជម្រើសទី៣ជាមួយនឹងក្រុមអង់គ្លេសមួយនេះក៏ដោយ។
នៅក្នុងបរិបទនេះកាសែតអង់គ្លេស The Mirror បានផ្សាយថា Cristiano Ronaldo អាចត្រឡប់ទៅ Real Madrid វិញបាន ពីព្រោះភាគីទាំង២ចាប់អារម្មណ៍នឹងការត្រឡប់មកវិញដែលអាចទៅរួច ទោះបីជាការចាកចេញរបស់ខ្សែប្រយុទ្ធរូបនេះគឺបណ្តាលមកពីការប៉ះទង្គិចគ្នាជាមួយប្រធានក្លិបគឺលោក Florentino Perez ក្តី។
មុនពេលធានាបានការចុះហត្ថលេខានេះ អាទិភាពសម្រាប់ Real Madrid នៅរដូវក្ដៅគឺការចុះហត្ថលេខា ចុងក្រោយខ្សែប្រយុទ្ធបារាំង KylianMbappé ក្នុងការចរចាជាមួយ PSG ដែលត្រូវបានបន្តយ៉ាងហោចណាស់៣ឆ្នាំ។ ស្ថានភាពបែបនេះប្រសិនបើ Mbappéស្នាក់នៅទីក្រុងប៉ារីស នោះ Real Madrid នឹងទៅរក CristianoRonaldo វិញ។
មនោសញ្ចេតនារវាងក្រុមអេស្ប៉ាញនិងខ្សែប្រយុទ្ធព័រទុយហ្គាល់រូបនេះមានភាពល្អប្រសើរ។ ក្នុងអំឡុងពេល៨ឆ្នាំរបស់គាត់ជាមួយក្រុម Cristiano Ronaldo ស៊ុតបញ្ចូលទីបាន៤៥០គ្រាប់ និង Assist ចំនួន១៣២ដងក្នុង៤៣៨ប្រកួត ឈ្នះពានរង្វាន់ Champions League ៤ដង ខណៈដែលគាត់ត្រូវបានទទួលពានរង្វាន់ Ballon d’Or ៤ដង។
ទោះជាយ៉ាងណាក៏ដោយ ពាក្យចចាមអារ៉ាមនេះមិនមែនជារឿងថ្មីទេ។ កាលពីរដូវក្តៅមុនមានការរំពឹងទុករួចហើយអំពីការវិលត្រឡប់របស់ Ronaldo ទៅកាន់ក្រុម Real Madrid ចាប់តាំងពីរដូវក្តៅមុន ប៉ុន្តែក្លិបបានច្រានចោលការចរចា ហើយបន្ទាប់មក Man United បានបង្ហាញខ្លួនជាជម្រើសដំបូង។Cristiano Ronaldo នៅជាមួយបិសាចក្រហមបានធ្លាក់ចុះទម្រង់លេងយ៉ាងខ្លាំងពីការរំពឹងទុក។ ក្រុមបិសាចក្រហមកំពុងឆ្លងកាត់អស្ថិរភាពមួយរយៈពេលជិតនឹងធ្លាក់ចេញពីកៅអី Europa League ជាមួយនឹងធ្វើមិនបានល្អក្នុង៥ប្រកួតចុងក្រោយរបស់ក្រុមនេះ និងចាញ់៣ដង។ ខណៈដែលកីឡាករសញ្ជាតិព័រទុយហ្គាល់រូបនេះស៊ុតបញ្ចូលទីបាន២៣គ្រាប់ក្នុងនោះ១៧គ្រាប់ក្នុងក្របខ័ណ្ឌ Premier League ។
ការខ្វះខាតក្នុងការប្រកួតប្រជែងរបស់ក្រុមនៅឆ្នាំនេះ បានធ្វើឱ្យខ្សែប្រយុទ្ធព័រទុយហ្គាល់ Ronaldo មានការខកចិត្តយ៉ាងខ្លាំង ដូច្នេះហើយគាត់ក៏នឹងស្វែងរកផ្លូវចេញពីក្រុមផងដែរ ព្រោះថាអាទិភាពសម្រាប់ការប្រកួតនេះ ហាក់បីដូចជាមិនមែនជាការប្រកួតកំពូលនៃបាល់ទាត់អង់គ្លេសនោះទេ។ លើសពីនេះ ទម្រង់លេងក្រុមរបស់លោក Ten Hag ទាមទារការលះបង់កាន់តែច្រើនពីខ្សែប្រយុទ្ធ ដើម្បីស្វែងរកជ័យជម្នះ។ នេះនឹងបណ្តាលឱ្យ CR7 ប្រើប្រាស់ផ្នែកមួយនៃការប្រយុទ្ធរបស់គាត់ដើម្បីផលប្រយោជន៍រួម ដែលមើលទៅប្រហែលជាមិនស្រួលសម្រាប់តារាបាល់ទាត់ពិភពលោកមួយនេះទេ ៕
ដោយ៖ ភារៈ(រូបភាព ៖ MARCA/Mirror)
