សារព័ត៌មាន នគរវត្ត តែងតែនាំមុខគេជានិច្ច
កីឡាករ Romelu Lukaku បានច្រានចោលការចាប់អារម្មណ៍ចង់បានរូបគាត់ពីក្លិបអុីតាលី AC Milan នៅរដូវក្តៅនេះដោយដាក់ភាពមិនច្បាស់លាស់ថ្មីអំពីអនាគតរបស់គេ ហើយខ្សែប្រយុទ្ធ Chelsea រូបនេះក៏មិនមានការចាប់អារម្មណ៍លើក្រុម Newcastle ដែលជាក្រុមមួយក្នុងចំណោមក្រុមមួយចំនួនដែលត្រូវបានគេមើលឃើញថា អាចមានលទ្ធភាពផ្តល់ប្រាក់ខែ និងតម្លៃផ្ទេររបស់គេខ្ពស់។
អនាគតរបស់កីឡាករអន្តរជាតិបែលហ្សុិក Lukaku នៅកីឡដ្ឋាន Stamford Bridge ស្ថិតនៅក្រោមភាពស្រពិចស្រពិលក្រោមការដឹកនាំរបស់លោក Thomas Tuchel។ កីឡាកររូបនេះបានចាប់ផ្តើម Premier League តែមួយដងគត់ចាប់តាំងពីចុងខែកុម្ភៈ ហើយជាកីឡាករបម្រុងដែលមិនប្រើក្នុងការប្រកួតពេល Chelsea ចាញ់ ១-០ ក្រោមស្នាដៃក្រុម Everton កាលពីថ្ងៃអាទិត្យ។
Lukaku បានស៊ូទ្រាំនឹងការត្រឡប់មក Chelsea វិញយ៉ាងវេទនា បន្ទាប់ពីផ្ទេរពីក្លិប Inter Milan ក្នុងតម្លៃខ្លួន៩៧.៥លានផោនកាលពីរដូវក្តៅមុន។ គាត់បានព្យាយាមសម្របខ្លួនទៅនឹងប្រព័ន្ធលេងរបស់លោក Tuchelខណៈដែលរបួសបានរំខានដល់យុទ្ធនាការរបស់គាត់ផងដែរ។ ទន្ទឹមនឹងនេះទំនាក់ទំនងរបស់គាត់ជាមួយអ្នកគ្រប់គ្រងក្លិបមានភាពតានតឹងដោយការសម្រេចចិត្តរបស់គាត់ក្នុងការធ្វើបទសម្ភាសន៍ជាមួយទូរទស្សន៍អុីតាលីដែលគាត់រិះគន់ប្រព័ន្ធលេងរបស់លោក Tuchel។ ខណៈដែលគ្រូបង្វឹករបស់ Chelsea រូបនេះបានទទូចថា ស្ថានការណ៍ត្រូវបានដោះស្រាយ Lukaku ត្រូវបានកាត់បន្ថយយ៉ាងច្រើនទៅជាអ្នកជំនួសក្នុងអំឡុងពេលពាក់កណ្ដាលរដូវកាល។
លោក Tuchel បាននិយាយជាសាធារណៈថា វាអាស្រ័យលើ Lukaku ក្នុងការបង្ហាញថាគាត់អាចបង្ហាញទម្រង់លេងប្រយុទ្ធ និងបន្តបត់បែនក្នុងក្លិបតាមការរំពឹងទុកដែលអមជាមួយការវិលត្រឡប់របស់គាត់ទៅកាន់ក្លិបនេះ ប៉ុន្តែគ្រូបង្វឹកសញ្ជាតិអាឡឺម៉ង់រូបនេះនៅតែបន្តជ្រើសរើស Kai Havertz ជាជម្រើសដំបូង។
ក្លិប AC Milan បានលេចចេញជាផ្លូវក្នុងការទាក់ទាញ Lukaku ជាមួយនឹងការចរចាតម្លៃផ្ទេរ។ Chelsea ដឹងថាមានក្លិបមួយចំនួនដែលមានបំណងផ្តល់ឱ្យពួកគេតម្លៃដែលបានចំណាយសម្រាប់ Lukaku ដែលអាចរារាំងឱកាសណាមួយនៃការផ្ទេរគាត់នៅរដូវក្តៅនេះដែលប្រាក់ឈ្នួលរបស់កីឡាកររូបនេះត្រូវបានគេជឿថាមានប្រហែល៣០០,០០០ផោនក្នុងមួយសប្តាហ៍។
Newcastle ដែលជាក្លិបអ្នកមានថ្មីត្រូវបានគេមើលឃើញថា ជាក្លិបមួយក្នុងចំណោមក្លិបមួយចំនួនដែលនឹងដេញថ្លៃយកខ្សែប្រយុទ្ធ Lukaku ប៉ុន្តែកីឡាកររូបនេះបានបដិសេធរួចទៅហើយ ៕
ដោយ៖ ភារៈ(រូបភាព ៖ standard.com)
