សារព័ត៌មាន នគរវត្ត តែងតែនាំមុខគេជានិច្ច
ការចូលរួមក្នុងពានរង្វាន់ Champions League មិនមែនគ្រាន់តែជារឿងចាស់សម្រាប់ក្លិបធំមួយនោះទេ គឺវាស្ទើរតែមានសារៈសំខាន់សម្រាប់ការរស់រានមានជីវិតរបស់ក្លិបទាំងនោះ។ វាមិនត្រឹមតែនាំមកនូវកិត្យានុភាពកីឡាប៉ុណ្ណោះទេ នៅពីក្រោយបាល់ទាត់ នៅក្នុងការិយាល័យមានប្រាក់ជាច្រើននៅក្នុងភាគហ៊ុន ដែលអាចរៀបចំផែនការនៃរដូវកាលមួយ ហើយសម្រាប់ពេលនេះ Real Madrid បានរកប្រាក់ចំណេញបាន១០៥.៣៤លានអឺរ៉ូក្នុងរដូវកាលនេះតែម្នាក់ឯងពីក្របខ័ណ្ឌChampions League មួយនេះ។
នោះគឺជាចំនួនដែលក្លិបប្រមូលបាននៅក្នុងរង្វាន់នៅក្នុងការប្រកួតទ្វីបកំពូល បន្ទាប់ពីការប្រកួត និងការទម្លាក់ក្រុម Paris Saint-Germain ក្នុងជុំទី១៦, ទម្លាក់ Chelsea នៅវគ្គ១/៤ផ្តាច់ព្រ័ត្រ និងទម្លាក់ Manchester City នៅវគ្គពាក់កណ្តាលផ្តាច់ព្រ័ត្រ។ ទឹកប្រាក់ចុងក្រោយបំផុត១៥.៥លានអឺរ៉ូសម្រាប់ការឡើងដល់វគ្គផ្តាច់ព្រ័ត្របានមកដោយសារខ្សែប្រយុទ្ធRodrygo និងគ្រាប់បាល់ពី Karim Benzema ដែលបានផ្តល់ច្រើនជាងការផ្តល់នូវភាពរីករាយដល់ក្លិប។
ចំណែកក្លិបហង្សក្រហម Liverpool ដែលជាគូប្រជែងរបស់ Real Madrid នៅវគ្គផ្តាច់ព្រ័ត្រនៅទីក្រុងប៉ារីសនៅថ្ងៃទី២៨ ខែឧសភាខាងមុខ។ ជាមួយនឹងទឹកប្រាក់១១៥.៨០លានអឺរ៉ូ ក្រុមហង្សក្រហមគឺជាក្រុមដែលរកបានប្រាក់ច្រើនបំផុតនៅក្នុងក្របខ័ណ្ឌ Champions League ហើយឥឡូវនេះក្រុមទាំង២នឹងតស៊ូដើម្បីប្រជែងពានរង្វាន់ចុងក្រោយគឺ៤.៥លានអឺរ៉ូសម្រាប់ការឈ្នះការប្រកួត និង៣.៥លានអឺរ៉ូបន្ថែមសម្រាប់ការចូលរួមក្នុងការប្រកួត European Super Cup។
ជាមួយគ្នានេះក្លិប Real Madrid និង Liverpool មិនមែនជាក្រុមតែមួយគត់ដែលបានប្រាក់ពី Champions League នោះទេ។ ក្លិបជាច្រើនទៀតទទួលបានក្នុងកម្រិតច្រើន ឬតិចបានរកប្រាក់ចំណេញបានផងដែរ ដូចជា ក្លិបអេស្ប៉ាញ Real Madrid, Villarreal, Atletico Madrid, Barcelona និង Sevilla ប្រមូលបាន៣២៥.៧៨លានអឺរ៉ូ។
ជាមួយនឹងប្រាក់ចំណូលទាំងនេះ ក្លិបអេស្ប៉ាញដែលរកបានប្រាក់ច្រើនជាងគេក្នុងក្របខ័ណ្ឌ Champions League គឺ Real Madrid ដែលមានចំនួនសរុប១០៥.៣៤លានអឺរ៉ូ បែងចែកជា៧៧.៨៤លានអឺរ៉ូពីការប្រកួត និង២៧.៥លានអឺរ៉ូពីការគិតប្រាក់ចំណូលរបស់ UEFA ។
ចំណែកចំណាត់ថ្នាក់លេខ២គឺក្លិប Villarreal ដែលទទួលបានច្រើនបន្ទាប់ពីឈានដល់វគ្គពាក់កណ្តាលផ្តាច់ព្រ័ត្រ។ ក្លិបនេះទទួលបានប្រាក់អប្បបរមាចំនួន៨៤លានអឺរ៉ូដែលរង់ចាំការរកប្រាក់ចំណូលតាមទូរទស្សន៍។ ក្នុងចំណោមនោះរង្វាន់ដែលឈ្នះនៅលើទីលានមានចំនួន៥៧.៦៧លានអឺរ៉ូ ខណៈដែលប្រាក់ចំណូលពីការគិតមេគុណរបស់ UEFA ចំនួន២៦.៤លានអឺរ៉ូទៀត។ ដោយឡែកក្លិប Atletico Madrid ដែលត្រូវ Manchester City ទម្លាក់ចេញនៅវគ្គ៨ក្រុមចុងក្រោយនោះ រកបានប្រាក់សរុប៦៣,២៧លានអឺរ៉ូ។ ក្នុងចំណោមនោះ៤២.៣៧លានអឺរ៉ូសម្រាប់ការឡើងដល់វគ្គ៨ក្រុម និង២០.៩លានអឺរ៉ូសម្រាប់ពិន្ទុដែលរកបានក្នុងរដូវកាលនេះក្នុងមេគុណគិតប្រាក់ចំណូលរបស់ UEFA ៕
ដោយ៖ ភារៈ(រូបភាព ៖ MARCA)
