សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោកឧត្តមសេនីយ៍ទោ សៅ ខាន់ មេបញ្ជការរងកងពលតូចលេខ៧០ នៃកងទ័ពជើងគោក ក្រសួងការពារជាតិ នៅរសៀលថ្ងៃទី១៣ខែឧសភានេះ បន្តដឹកនាំក្រុមគ្រូពេទ្យកងពលតូចលេខ៧០ ចុះចាក់វ៉ាក់សាំងកូវីដ ជូនកម្មករ-កម្មករិនី ទាំងដូសមូលដ្ឋាន និងដូសជំរុញ នៅតាម រោងចក្រ សហគ្រាសមួយចំនួន ក្នុងរាជ ធានីភ្នំពេញ។ ការចុះចាក់វ៉ាក់សាំង គឺដើម្បី បង្កើនភាពស៊ាំបន្ថែមទៀតក្នុងសហគមន៍ ធានានិរន្តរ៍ភាព ការរស់នៅធម្មតា តាមបែប គន្លងថ្មី ជាមួយជំងឺកូវីដ ដោយស្របតាម អនុសាសន៍របស់សម្តេចតេជោហ៊ុន សែននាយករដ្ឋមន្រ្តីកម្ពុជា។
សូម បញ្ជាក់ថា, កំណេីនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី១២ ខែឧសភា ឆ្នាំ២០២២
-លើប្រជាជនអាយុពី ១៨ឆ្នាំឡើង មាន ១០៣,០៧% ធៀបជាមួយចំនួនប្រជាជនគោលដៅ ១០លាននាក់
-លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០០,៥១% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់
-លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៨,៨១% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់
-លើកុមារអាយុ ០៥ឆ្នាំ មាន ១៣០,៩៤% ធៀបជាមួយនឹងប្រជាជនគោលដៅ ៣០៤,៣១៧ នាក់
-លើកុមារអាយុ ០៣ឆ្នាំ ដល់ក្រោម ០៥ឆ្នាំ មាន ៦៣,៤០% ធៀបជាមួយនឹងប្រជាជនគោលដៅ ៦១០,៧៣០ នាក់
-លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាននាក់ មាន ៩៣,៧១% ។
រហូតដល់ ថ្ងៃទី ១៣ ខែឧសភា ឆ្នាំ២០២២ កម្ពុជាយេីងរកឃេីញករណីជំងឺកូវីដ-១៩ សរុបចំនួន ០នាក់ (ឆ្លងសហគមន៌៍: ០ នាំចូល: ០ នាក់) និងមានជាសះស្បេីយ ២ នាក់ ។ ដូច្នេះចំនួនករណីជំងឺកូវីដ-១៩សរុបដដែល ១៣៦២៦២ និងចំនួនជាសះស្បេីយសរុបកេីន ១៣៣១៨៩ នាក់ និង ស្លាប់ថ្មី ០ នាក់ (មិនបានចាក់វ៉ាក់សាំង ០នាក់) សរុបស្លាប់ #៣០៥៦នាក់ ។ សូមបន្តអនុវត្តន៌: ៣កុំ ៣ការពារ និងទោះបានចាក់វ៉ាក់សាំងគ្រប់ដូសឬដូសជំរុញក៏ដោយ ។
សូមបញ្ជាក់ថា ប្រទេសយេីងរកឃេីញករណីជំងឺកូវីដ-១៩ដំបូងបំផុតនៅថ្ងៃទី ២៧ មករា ២០២០ ។
យេីងបានធ្វេីតេស្តចំនួន 2959910 ស្មេីនឹង 175142 ក្នុង១លាន នាក់ ។ ព័ត៌មានបន្ថែមសូមទាក់ទងលេខ 115៕
ដោយ ៖ សិលា
–
