សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មុខសញ្ញាចោរឆក់ទូរស័ព្ទដៃយ៉ាងសកម្មម្នាក់ ត្រូវបាននកម្លាំងនគរបាលខណ្ឌដូនពេញ ឃាត់ខ្លួនបន្ទាប់ពីធ្វើសកម្មភាពឆក់ទូរស័្ទដៃពីប្រជាពលរដ្ឋកំពុងដំណេីរតាមផ្លូវមិនបានសម្រេចក៏ប្រទះជួបកម្លាំងល្បាត់ដេញតាមក្របួចជាប់តែម្តង។
ករណីឃាត់ខ្លួនជនសង្ស័យខាងលេីនេះ បានកេីតឡេីងនៅវេលាម៉ោង ៧និង៣០នាទីយប់ថ្ងៃទី១៥ ខែឧសភា ឆ្នាំ២០២២ នៅចំណុចមុខកន្លែងទិញលក់រថយន្តយីហោ R៩៩ ផ្លូវ៧០ ភូមិ២១ សង្កាត់ស្រះចក ខណ្ឌដូនពេញ។
ជនសង្ស័យឈ្មោះ ចាន់ ថារស្មី ភេទប្រុស អាយុ៣៤ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ។ ចំណែកជនរងគ្រោះ ក្រោយកេីតហេតុបានចាក់ចេញពីកន្លែងកេីតហេតុ បាត់ទៅ។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕
ដោយ៖សហការី
