សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើយោងតាមប្រភពព័ត៌មានពីស្នងការដ្ឋាននគរបាលរាជធានីភ្នំពេញ បានឱ្យដឹងនៅព្រឹកសៅរ៍ទី០៤ ខែមិថុនា ឆ្នាំ២០២២នេះថា៖ ដោយអនុវត្តតាមបទបញ្ជា និងការណែនាំរបស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ លោក លោកស្រីស្នងការរង លោក លោកស្រីនាយការិយាល័យ និងលោកអធិការនគរបាលខណ្ឌទាំង១៤ បានជួបប្រជុំកម្លាំង ដេីម្បីធ្វេីការណែនាំបន្ថែម អំពីការបំពេញតួនាទីភារកិច្ចឲ្យបានល្អ ក្នុងការការពារការិយាល័យបោះឆ្នោត ដេីម្បីធានាឲ្យបាននូវសន្តិសុខ សណ្តាប់ធ្នាប់ល្អ ក្នុងឱកាសបោះឆ្នោតនាថ្ងៃអាទិត្យ ទី០៥ ខែមិថុនា ឆ្នាំ២០២២នេះ។
គួរជម្រាបដែរថា កាលពីពេលថ្មីៗនេះ ដោយទទួលបានបទបញ្ជា និងការណែនាំដោយផ្ទាល់របស់លោកឧត្តមសេនីយ៍ឯក ស ថេត អធិការដ្ឋាននគរបាលខណ្ឌទាំង១៤ បានដឹកនាំកិច្ចប្រជុំផ្សព្វផ្សាយ ស្តីពីតួនាទី ភារកិច្ច និងវិន័យកងកម្លាំងនគរបាល ក្នុងពេលការពារយុទ្ធនាការឃោសនាបោះឆ្នោត និងត្រៀមប្រចាំការការពារបោះឆ្នោតតាមទីស្នាក់ការ បោះឆ្នោះជ្រើសរើសក្រុមប្រឹក្សាឃុំ-សង្កាត់ អណត្ដិទី៥ ឆ្នាំ២០២២។
ក្នុងកិច្ចប្រជុំនោះដែរ មានការចូលរួមពីលោក-លោកស្រី អធិការរង នាយផ្នែក នាយប៉ុស្តិ៍ និងមន្ត្រីពាក់ព័ន្ធមួយចំនួនទៀតផងដែរ៕
ដោយ៖សហការី
