សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មុននេះមានការចាប់អារម្មណ៍ខ្លាំងទៅលើកម្លោះសង្ហា ស៊ឹម ច័ន្ទពន្លឺដែលជាបេក្ខជនក្នុងកម្មវិធី Cambodian Idol រដូវកាលទី៤ថាមានទាំងទឹកដមសំនៀងពីរោះ និងរូបរាងស្រស់សង្ហា។ ពេលនេះយើងមកដឹងអំពីប្រវត្តិខ្លះៗរបស់បេក្ខជនរូបនេះ។
ក្រោយឃើញសម្រស់គ្រូពេទ្យពន្លឺ រួច ធ្វើឱ្យហ្វេននារីៗចាប់ផ្តើមចាប់ចិត្ត និងបង្ហោះសារក្នុងន័យស្នេហាជាច្រើនលាយឡំនឹងពាក្យផ្អែមល្ហែមទៅកាន់គ្រូពេទ្យ និយាយឱ្យចំគឺញ៉ែគ្រូពេទ្យ តែម្តង ហើយមានហ្វេនខ្លះសួរថា លោកគ្រូពេទ្យមានប្រពន្ធឬនៅ? តើជាកូនកាត់វៀតណាមមែន?។ លោកស៊ឹម ច័ន្ទពន្លឺ អាយុ២៩ឆ្នាំ មានទឹកដីកំណើតនៅខេត្តតាកែវ ហើយក៏ជាគ្រូពេទ្យក្នុងមន្ទីរពេទ្យឯកជនមួយផងដែរ។ លោកធ្លាប់មានប្រវត្តិចូលប្រឡងក្នុងកម្មវិធីThe Voice នៅឯប្រទេសវៀតណាមថែមទៀតផងកាលពីឆ្នាំ២០១៨ ខណៈដែលលោក ទៅសិក្សានៅទីនោះ។លោកគ្រូពេទ្យមុខស្រស់រូបនេះបានចេញមុខបញ្ជាក់ច្បាស់ៗថា “អត់មានប្រពន្ធទេ សម្រាប់ clip Tik Tok ទាំងអស់គ្នាឃើញថាបងឱបក្មេងហ្នឹង គឺសុទ្ធតែឱបអ្នកជំងឺទាំងអស់ កូនរបស់អ្នកជំងឺទេ, បងនិយាយត្រង់ បងស៊ាំហើយរឿងស្រីបោក ស្អីក៏មានដែរ។ ច័ន្ទពន្លឺ បន្ថែមថា “និយាយទៅបើថាបងកូនកាត់ បងអត់ដឹងទេ ការណ៍ពិតបងចង់បាន បងកូនកាត់មែនតើ ព្រោះថាបើបងកូនកាត់ទៅមុខយើងគ្រាន់បើជាងហ្នឹងតិច ប៉ុន្តែបងកើតនៅមន្ទីរពេទ្យបង្អែកខេត្តតាកែវ ពីថ្ងៃទី១០ ខែ៥ ឆ្នាំ១៩៩៣ បងកើតនៅក្នុងគ្រួសារមួយដែលនិយាយទៅជីតាបងគឺធ្វើនាយកសាលាបឋមសិក្សាតាកែវក្រុង ក៏ជាសាលាដែលបងរៀនដែរ ហើយបងមានអ៊ំមួយជាគ្រូប្រវត្តិវិទ្យា។
លោកថា លោកមានអ៊ំម្នាក់ទៀតជាសាស្ត្រាចារ្យអក្សរសាស្ត្រខ្មែរ ហើយម៉ាក់ប៉ារបស់បងនៅខេត្តតាកែវទាំងពីរ ប៉ានៅស្រុកសំរោង ម៉ាក់គាត់នៅស្រុកដូនកែវ អ៊ីចឹបងកើតមកគឺលោកអត់ដឹងថាពីមុនមានសែស្រឡាយអី អត់ទេ តែឥឡូវហ្នឹងលោកកើតមកជាសញ្ជាតិខ្មែរ ជាជនជាតិខ្មែរ ហើយលោកនិយាយខ្មែរ ប៉ុណ្ណឹង៕
ដោយ ៖ វឌ្ឍនា
