សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដោយទទួលបានការអនុញ្ញាតពីលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី០៨ ខែមិថុនា ឆ្នាំ២០២២ នៅសាលប្រជុំស្នងការដ្ឋាននគរបាលរាជធានីភ្នំពេញ លោកឧត្តមសេនីយ៍ត្រី គល់ យី ស្នងការរង ទទួលផែនការងារប្រឆាំងគ្រឿងញៀន បានដឹកនាំកិច្ចប្រជុំពាក់ព័ន្ធការងារប្រយុទ្ធប្រឆាំងគ្រឿងញៀន។
ក្នុងកិច្ចប្រជុំនេះដែរ ដោយមានការចូលរួមពីលោក វរសេនីយ៍ទោ រុឹម មុិច នាយការិយាល័យប្រឆាំងគ្រឿងញៀន, លោក-លោកស្រីនាយរងការិយាល័យ, នាយផ្នែកការិយាល័យប្រឆាំងគ្រឿងញៀន, នាយផ្នែកចំណុះអធិការដ្ឋាននគរបាលខណ្ឌទាំង១៤។
សូមជម្រាបថា នៅព្រឹកថ្ងៃដដែលនេះ លោកឧត្តមសេនីយ៍ទោ ហ៊ុន សុធី ,លោកឧត្តមសេនីយ៍ត្រី គល់ យី និងលោកឧត្តមសេនីយ៍ត្រី សរ សំណាង ស្នងការរង បានដឹកនាំកម្លាំងក្រុមប្រចាំបញ្ជាវេនទី៥ ចូលរួមប្រជុំជួរដើម្បីត្រៀមអន្តរាគមន៍ និងចេញល្បាតការពារសន្តិសុខ សុវត្ថិភាព ជូនប្រជាពលរដ្ឋក្នុងភូមិសាស្ត្ររាជធានីភ្នំពេញផងដែរ៕
ដោយ៖សហការី
