សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ នៅថ្ងៃព្រហស្បតិ៍១០កេីតខែជេស្ឋឆ្នាំខាលចត្វាស័កព.ស.២៥៦៦ត្រូវនឹងថ្ងៃទី៩ខែមិថុនា ឆ្នាំ២០២២អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ លោកវរសេនីយ៍ទោ វេ គឹមចត់ អធិការនគរបាលស្រុកកំរៀង បានដឹកនាំកម្លាំងឃាត់ខ្លួនជនសង័្សយម្នាក់ឈ្មោះ ពៅ ទ្រី ភេទប្រុស អាយុ ២៨ឆ្នាំ រស់នៅភូមិអូរចារសង្កាត់អូរចារ ក្រុងបាត់ដំបង ខេត្តបាត់ដំបង និងដកហូតម៉ូតូ០១គ្រឿងម៉ាកHonda click ពណ៌ ស ពាក់ស្លាកលេខបាត់ដំបង1AG-2377។
សមត្តកិច្ចនគរបាលជំនាញអធិការស្រុកកំរៀងបានបន្តថា÷មូលហេតុដែលឈានដល់ការឃាត់ខ្លួននេះគឺកាលពីថ្ងៃទី៨ខែ មិថុនាឆ្នាំ២០២២វេលាម៉ោង១៩និង០០នាទី នៅភូមិអណ្ដូងចេញសង្កាត់អូរចាក្រុងបាត់ដំបង ខេត្តបាត់ដំបង មានករណីរំលោភលើទំនុកចិត្ត មួយកើតឡើងប្រព្រឹត្តដោយជនសង្ស័យខាងលេីបានយកម៉ូតូ០១គ្រឿងម៉ាកHonda click ពណ៌ ស ពាក់ស្លាកលេខ បាត់ដំបង1AG-2377ជារបស់ឈ្មោះ យ៉ុត រស្មី ភេទប្រុស អាយុ២៧ឆ្នាំរស់នៅភូមិទួលច្រនៀង ឃុំបាយដំរាំ ស្រុកបាណន់ខេត្តបាត់ដំបងដោយយកទៅបញ្ចាំនៅស្រុកកំរៀងខេត្តបាត់ដំបង។
សមត្តកិច្ចជំនាញបានបន្តទៀតថា÷ក្រោយកេីតហេតុជនរងគ្រោះបានដាក់ពាក្យបណ្ដឹងពីករណីនេះចូលមកសមត្ថកិច្ចនគរបាល ហេីយឆ្លងតាមរយៈការស្រាវជ្រាវ ស៊េីបអង្កេតសមត្ថកិច្ចកំណត់មុខសញ្ញាបាននិងឈានដល់ការឃាត់ខ្លួនតែម្តង។
បច្ចុប្បន្នសមត្ថកិច្ចកំពុងរៀបចំកសាងសំណុំរឿងបញ្ជូនជនសង័្សយខាងលេីមកកាន់ការិយាល័យជំនាញអនុវត្តតាមនីតិវិធីច្បាប់ ៕
ដោយ៖ស សារ៉េត
