Real Madrid ចុះហត្ថលេខាលើខ្សែបម្រើ Aurelien Tchouameni ពីក្លិបMonaco

ចែករំលែក៖

ក្លិបយក្សអេស្ប៉ាញអធិរាជស Real Madrid បានចុះហត្ថលេខាលើខ្សែបម្រើសញ្ជាតិបារាំង Aurelien Tchouameni ពីក្លិប Monaco ក្នុងកិច្ចសន្យារយៈពេល៦ឆ្នាំ។

ក្លិបទាំងពីរបានប្រកាសពីកិច្ចព្រមព្រៀងនេះ ហើយក្លិប Real Madrid បាននិយាយថា ពួកគេនឹងធ្វើពិធីបង្ហាញកីឡាករវ័យ២២ឆ្នាំខាងលើនៅថ្ងៃអង្គារបន្ទាប់ពីពិនិត្យសុខភាពរួចរាល់។

កីឡាករ Tchouameni បានបង្ហាញខ្លួននៅ Ligue 1 ចំនួន៣៥លើកសម្រាប់ក្រុម Monaco កាលពីរដូវកាលមុន ដោយបានរួមចំណែក៣គ្រាប់ និង assists ពីរដង។ កីឡាកររូបនេះបានបង្ហាញខ្លួនចំនួន១១លើកសម្រាប់ប្រទេសបារាំងចាប់តាំងពីបង្ហាញខ្លួនជាលើកដំបូងជាអន្តរជាតិក្នុងខែកញ្ញា។

កិច្ចព្រមព្រៀងនេះត្រូវបានគេរាយការណ៍ថា មានតម្លៃ៨០លានអឺរ៉ូ (៦៨.៣លានផោន) បូកនឹងកម្មវិធីបន្ថែមប្រហែល២០លានអឺរ៉ូ (១៧លានផោន) ។

កីឡាករ Tchouameni ក៏ត្រូវបានផ្សារភ្ជាប់ជាមួយនឹងក្លិបធំៗផងដែរដូចជាក្លិបហង្សក្រហម Liverpool, ក្លិបបិសាចក្រហម Manchester United និងយក្សរបស់បារាំង Paris St-Germain ផងដែរ។

របាយការណ៍បានស្នើថា Tchouameni បានយល់ព្រមលក្ខខណ្ឌជាមួយក្រុម Liverpool នៃក្របខ័ណ្ឌ Premier League។ ប៉ុន្តែក្រុម Real Madrid បានសម្រេចចិត្តចុះហត្ថលេខាបានមុននឹងនាំយក Tchouameniដែលខកខានមិនបានចុះហត្ថលេខាលើ Paris St-Germain និងខ្សែប្រយុទ្ធបារាំង Kylian Mbappe នៅដើមរដូវក្តៅនេះ ៕