ព័ត៌មានទាន់ហេតុការណ៍៖

ប្រទះឃេីញសពក្មេងប្រុសទេីបអាយុប្រហែលជាង២ខួបអណ្តែតទឹកប្រឡាយ

ចែករំលែក៖

ភ្នំពេញ​៖​ កម្មករសំណង់បានប្រទះឃេីញសពក្មេងប្រុសម្នាក់អាយុប្រហែលជាង២ខួបអណ្តែតតាមទឹកប្រឡាយ​ បង្កការភ្ញាក់ផ្អេីលកាលពីវេលាម៉ោង៩ព្រឹក​ ថ្ងៃទី១៧​ ខែមិថុនា​ ឆ្នាំ២០២២​ នៅក្នុងប្រឡាយមួយកន្លែងភូមិអំពិល​ សង្កាត់កំបូល​ ខណ្ឌកំបូល​ រាជធានីភ្នំពេញ​។ 

សពក្មេងរងគ្រោះមិនទាន់ស្គាល់អត្តសញ្ញាណនៅឡេីយទេ​ ភេទប្រុសអាយុប្រហែលជាង២ខួប​ ។ 

តាមប្រភពព័ត៌មានបានឱ្យដឹងថា​ មុនពេលកេីតហេតុក្រុមកម្មករសំណង់មួយក្រុមកំពុងធ្វេីការនៅជាប់និងប្រឡាយទឹកហូរ​ ពេលនោះស្រាប់តែឃេីញសពក្មេងរងគ្រោះអណ្តែតហូរតាមទឹកមកពេលនោះក៏នាំគ្នាជួយស្រង់ដេីម្បីសង្គ្រោះតែអកុសលក្មេងរងគ្រោះបានស្លាប់បាត់ទៅហេីយទេីបរាយការណ៍ទៅសមត្ថកិច្ចចុះមកពិនិត្យជាក់ស្តែងនិងស្វែងរកឪពុកម្តាយដេីម្បីមកទទួលយកទៅធ្វេីបុណ្យតាមប្រពៃណី៕

ដោយ៖សុខាសែនជ័យ


ចែករំលែក៖