សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ជនត្រូវចោទម្នាក់ត្រូវកម្លាំងអាវុធហត្ថស្រុកភ្នំព្រឹកឃាត់ខ្លួនដោយអនុវត្តន៍តាមដីកាបង្គាប់ឱ្យនាំខ្លួន លេខ២៥៣ ត.ព្រ ចុះថ្ងៃទី២៦ ខែមេសា ឆ្នាំ២០២២ របស់លោក គី ទីម៉េង ចៅក្រមស៊ើបសួរ នៃសាលាដំបូងខេត្តបាត់ដំបង ដោយបង្គាប់ឱ្យនាំខ្លួនជនត្រូវចោទ។ ការឃាត់ខ្លួនជនត្រូវចោទខាងលើនេះនៅថ្ងៃទី២០ ខែមិថុនា ឆ្នាំ២០២២ វេលាម៉ោង០៧និង៣០នាទី។
សមត្ថកិច្ចបានឱ្យដឹងថា ជនត្រូវចោទមានឈ្មោះ សុខ រិទ្ធដា ភេទប្រុស អាយុ ៣១ ឆ្នាំ មុខរបរកម្មករ ទីលំនៅបច្ចុប្បន្ននៅភូមិភ្នំតូច ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង ពីបទហិង្សាដោយចេតនាមានស្ថានទម្ងន់ទោស ដោយសារការកាត់អវយវៈឬពិការរភាព ដែលប្រព្រឹត្តនៅចំណុចក្រុមទី១ ស្ថិតក្នុងភូមិភ្នំតូច ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង កាលពីថ្ងៃទី២៧ ខែឧសភា ឆ្នាំ២០២១ តាមមាត្រា២២៣ នៃក្រមព្រហ្មទណ្ឌ។
ជនត្រូវចោទខាងលើក្រោយពីឃាត់ខ្លួនបច្ចុប្បន្នត្រូវបានកម្លាំងជំនាញកំពុងរៀបចំសំណុំរឿងដើម្បីចាត់ការបន្តតាមនីតិវិធី៕
ដោយ៖ចន្ទ លីហ្សា
