សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលខណ្ឌដង្កោ បានឃាត់ខ្លួនជនសង្ស័យចំនួន ០៣នាក់ នៅវេលាម៉ោង០១ និង៣០នាទី ថ្ងៃទី២២ ខែមិថុនា ឆ្នាំ២០២២ ករណីជួញដូរដោយខុសច្បាប់នូវសារធាតុញៀន ស្ថិតនៅចំណុចដីឡូត៍គ្មានលេខ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
នគរបាលខណ្ឌដង្កោ បានឱ្យដឹងថា ៖ ជនសង្ស័យចំនួន ០៣នាក់ដែលឃាត់ខ្លួនរួមមាន ៖
ទី១-ឈ្មោះ ណេង រ៉ា ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
ទី ២-ឈ្មោះ សុខ វណ្ណី ភេទប្រុស អាយុ២២ឆ្នាំ ជនជាតិខ្មែរ មានទីលំនៅភូមិឫស្សី៣ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
ទី៣-ឈ្មោះ អុល វណ្ណ (ហៅញ៉ញ) ភេទប្រុស អាយុ២៣ឆ្នាំ មានទីលំនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
ចំណែកវត្ថុតាងដកហូតរួមមាន ៖
-ក្រាមពណ៌សថ្លាចំនួន ០៥កញ្ចប់ថង់
-ទុយោសម្រាប់ជក់ថ្នាំញៀនចំនួន ០២
-ថង់សម្រាប់ច្រកថ្នាំញៀនមួយចំនួន
-សម្ភារសម្រាប់ប្រើប្រាស់ថ្នាំញៀនមួយចំនួន ។
បច្ចុប្បន្ននេះ ជនសង្ស័យ រួមជាមួយវត្ថុតាងត្រូវបានសមត្ថកិច្ចឃាត់ខ្លួនយកមកធ្វើការសាកសួរនៅអធិការដ្ឋាននគបាលខណ្ឌដង្កោ ចាត់ការតាមច្បាប់ ៕
ដោយ ៖ ភារ៉ា ដង្កោ
