សារព័ត៌មាន នគរវត្ត តែងតែនាំមុខគេជានិច្ច
ក្លិប Premier League បានធ្វើការពិភាក្សាក្រៅផ្លូវការជាមួយកីឡាករវ័យ២២ឆ្នាំ Antony អំពីការផ្លាស់ប្តូរមួយ ប៉ុន្តែមិនទាន់មានសំណើណាមួយត្រូវបានដាក់ជូន Ajax នៅឡើយទេ។
ក្លិប Manchester United បានទទួលការជំរុញមួយក្នុងការតាមប្រមាញ់ Antony ដោយខ្សែបម្រើស្លាបសញ្ជាតិប្រេស៊ីលរូបនេះបានប្តេជ្ញាថា នឹងត្រឡប់មកជួបលោក Erik ten Hag វិញ។ Man Utd បានធ្វើការពិភាក្សាក្រៅផ្លូវការលើកីឡាករវ័យ២២ឆ្នាំរូបនេះ ប៉ុន្តែមិនទាន់បានផ្តល់ជូន Ajax នៅឡើយទេ។
លោក Ten Hag ចង់បន្ថែមទៅលើខ្សែប្រយុទ្ធដែលបានបាត់បង់ Edinson Cavani និង Jesse Lingard នៅរដូវក្តៅនេះ ខណៈដែល Mason Greenwood នៅតែបន្តមិនច្បាស់លាស់។ Antony បានបញ្ជាក់យ៉ាងច្បាស់ថា គាត់ចង់ចូលរួមជាមួយអតីតគ្រូបង្វឹករបស់គាត់នៅ Old Trafford។ ខ្សែប្រយុទ្ធរូបនេះមានទំនាក់ទំនងខ្លាំងជាមួយលោក Ten Hag បន្ទាប់ពីអ្នកទាំងពីរបានធ្វើការជាមួយគ្នានៅ Ajax ដោយឈ្នះពាន Eredivisie ចំនួនពីរ និងពានហូឡង់ Cup។
អ្នកចាត់ការថ្មីនៅតែជាអ្នកកោតសរសើរដ៏ធំរបស់ Antony ហើយបានកំណត់ថា គាត់ជាគោលដៅកំឡុងពេលកិច្ចប្រជុំកំពូលផ្ទេរជាមួយនាយកបាល់ទាត់ John Murtough នៅទីក្រុង Amsterdam កាលពីខែមុន។ Darwin Nunez គឺជាគោលដៅមួយផ្សេងទៀតដែលត្រូវបានពិភាក្សា ប៉ុន្តែ Man Utd បានដកខ្លួនចេញពីការផ្លាស់ប្តូរមួយសម្រាប់កីឡាករសញ្ជាតិអ៊ុយរ៉ាយហ្គាយដែលបានចុះហត្ថលេខាសម្រាប់ Liverpool ក្នុងកិច្ចព្រមព្រៀងដែលអាចមានតម្លៃ៨៥លានផោន។ ខណៈដែលប្រភព Man Utd ទទូចថាពួកគេមិនចង់ចូលរួមក្នុងការដេញថ្លៃជាមួយគូប្រជែងរបស់ពួកគេនោះទេ ហើយក៏ត្រូវបានគេយល់ថា Nunez មានបេះដូងរបស់គាត់នៅលើទឹកដី Anfield រួចទៅហើយ។
ចំណូលចិត្តរបស់ Antony នៅរដូវក្តៅនេះគឺជាការផ្លាស់ប្តូរទៅកាន់ Man Utd ដែលត្រូវតែបញ្ចុះបញ្ចូលខ្សែប្រយុទ្ធ Frenkie de Jong ថាគាត់គួរតែផ្លាស់ប្តូរពី Barcelona ទៅ Manchester។ លោក Ten Hag ចង់បានកីឡាករថ្មីចំនួន៥នាក់នៅក្នុងទីផ្សារដោះដូរកីឡាករដំបូងរបស់គាត់នៅក្លិប ជាមួយនឹងខ្សែបម្រើជាអាទិភាពរបស់គាត់ ដែលDe Jong គឺជាគោលដៅនាំមុខគេ។
ជាមួយគ្នានេះគ្រូបង្វឹកថ្មីក្លិបបិសាចក្រហមលោក Ten Hag ក៏មានការចាប់អារម្មណ៍លើកីឡាករមួយចំនួនទៀតដូចជា Christopher Nkunkuរបស់ RB Leipzig, Denzel Dumfries របស់ Inter Milan និងLisandro Martinez របស់ Ajax ។
ក្លិបក៏កំពុងស្វែងរកតារាឆ្នើមរបស់ Derby Malcolm Ebiowei ខណៈដែលអ្នកចាំទី Daniel Bachmann របស់ Watford អាចជំនួស Dean Henderson ដែលគ្រោងនឹងទៅចូលរួមជាមួយ Nottingham Forest ក្នុងលក្ខខ័ណ្ឌខ្ចីជើង។ ប្រភពក្លិបបាននិយាយថា ការងារមូលដ្ឋានត្រូវបានធ្វើឡើងលើគោលដៅមួយចំនួន ដោយកិច្ចព្រមព្រៀងរំពឹងថានឹងបញ្ចប់ក្នុងពេលឆាប់ៗនេះ ៕
ដោយ៖ ភារៈ(រូបភាព ៖ goal.com)
