សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) បានឱ្យដឹងនៅព្រឹកថ្ងៃអាទិត្យទី២៦ ខែមិថុនា ឆ្នាំ២០២២នេះថា៖ មន្ត្រី ក.ប.ប. ប្រចាំនៅក្នុងភូមិសាស្ត្រខេត្តខាងលើ សហការជាមួយមន្ទីរពាណិជ្ជកម្មខេត្ត នៅថ្ងៃទី២៣-២៤ ខែមិថុនា ឆ្នាំ២០២២ បានត្រួតពិនិត្យអនុលោមភាពលើស្ថានីយ ដេប៉ូលក់ប្រេងឥន្ធនៈសរុបចំនួន ២២ទីតាំង ដែលក្នុងនោះដេប៉ូប្រេងឥន្ធនៈចំនួន៥ទីតាំង ត្រូវបានពិនិត្យឃើញថាពុំមានភាពអនុលោម តាមរយៈលទ្ធផលដែលបានមកពីការប្រើប្រាស់ឧបករណ៍ត្រួតពិនិត្យប្រេងឥន្ធនៈ (Pumpwatch)។
មន្ត្រីស៊ើបអង្កេត ក.ប.ប. បានចាត់វិធានការតឹងរឹងចំពោះម្ចាស់ដេប៉ូដែលរកស៊ីមិនសុចរិតខាងលើផងដែរ។
ក្រោយប្រតិបត្តិការចប់ មន្ត្រីជំនាញបានចាត់វិធានការពិន័យអន្តរការណ៍ស្របតាមច្បាប់ជាធរមាន និងតម្រូវឱ្យធ្វើកិច្ចសន្យាកែតម្រូវចំពោះមន្ត្រីមានសមត្ថកិច្ច៕
ដោយ៖សហការី
