សារព័ត៌មាន នគរវត្ត តែងតែនាំមុខគេជានិច្ច
គ្រូបង្វឹកក្រុម Liverpool លោក Jurgen Klopp គឺជាអ្នកគាំទ្រដ៏ខ្លាំងរបស់តារាបាល់ទាត់ Borussia Dortmund កីឡាករ Jude Bellingham ហើយបានកំណត់គាត់ជាគោលដៅកំពូលរបស់គាត់ក្នុងរយៈពេល១២ខែ។
លោក Pep Guardiola គឺជាអ្នកកោតសរសើរដូចគ្នាចំពោះកីឡាករវ័យ១៨ឆ្នាំ រូបនេះដែរ ហើយសង្ឃឹមថា មិត្តភាពរបស់ Bellingham ជាមួយកីឡាករចំណូលថ្មី Erling Haaland អាចជំរុញឱ្យមានកិច្ចព្រមព្រៀងជាយថាហេតុរបស់ពួកគេ។
អ្នកទាំង២បានអង្គុយក្បែរគ្នាក្នុងបន្ទប់ផ្លាស់សំលៀកបំពាក់នៃក្លិបDortmund ហើយ Man City សង្ឃឹមថា Haaland អាចបញ្ចុះបញ្ចូលមិត្តរួមក្រុមឱ្យចូលរួមនៅកីឡដ្ឋាន Etihad។
ចំណែកក្រុម Liverpool មានទំនុកចិត្តកាន់តែខ្លាំងទៅលើកីឡាករ Jude Bellingham បន្ទាប់ពីការប្រជែងជាមួយ Man City មានន័យថា ហង្សក្រហមគឺជាអ្នកពេញចិត្តក្នុងការចុះហត្ថលេខាលើ Bellingham ច្រើនជាង Man City។
លោក Klopp តែងតែមានគម្រោងបង្កើតខ្សែប្រយុទ្ធម្នាក់ក្នុងការផ្ទេរកីឡាកររបស់គាត់នៅរដូវក្តៅនេះ ហើយបានជោគជ័យលើកីឡាករ Darwin Nunez របស់ Benfica ក្នុងតម្លៃ៨៥លានផោនដើម្បីជំនួស Sadio Mane។ ផែនការរដូវក្តៅក្រោយកំពុងត្រូវបានគូររួចហើយជាមួយ Bellingham និងខ្សែបម្រើកណ្តាលម្នាក់ទៀតនៃបញ្ជីទិញរបស់ក្លិប។
Liverpool នឹងអាចធានាគាត់ចាប់ផ្តើម តែDortmund ទទូចថា តារាអង់គ្លេសនឹងមិនត្រូវបានលក់នៅក្នុងនៅទីផ្សារដោះដូរនេះទេ ប៉ុន្តែពួកគេដឹងថាវាអាចពិបាកសម្រាប់ពួកគេក្នុងការរក្សាគាត់លើសពីរដូវកាលក្រោយ ទោះបីជាពួកគេនឹងស្នើសុំប្រហែល៨០លានផោនក៏ដោយ។
ចំណែកក្លិបបិសាចក្រហម Manchester United គឺជាក្រុមទី៣ក្នុងការប្រជែងយកកីឡាករ Jude Bellingham ជាមួយនឹងផែនការផ្ទេរក្រោមការដឹកនាំរបស់គ្រូបង្វឹកថ្មីលោក Erik ten Hag៕
ដោយ៖ ភារៈ(រូបភាព ៖ thesun.com)
