សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ថ្ងៃព្រហស្បតិ៍ ១ រោច ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៤ ខែកក្កដា ឆ្នាំ២០២២ វេលាម៉ោង ០៨:០០នាទីព្រឹក អនុសាខាកាកបាទក្រហមខណ្ឌបឹងកេងកង លោក ធឹម សំអាន អភិបាល នៃគណៈអភិបាលខណ្ឌ និងជាប្រធានអនុសាខាកាកបាទក្រហមខណ្ឌបឹងកេងកង ព្រមទាំងសមាជិក សមាជិកាអនុសាខាកាកបាទក្រហមខណ្ឌបឹងកេងកង បានរៀបចំពិធីសំណេះសំណាល សួរសុខទុក្ខប្រជាពលរដ្ឋចំនួន ៨០គ្រួសារដែលអញ្ជើញមកពីសង្កាត់ទាំង០៧ របស់ខណ្ឌ ព្រមទាំងចែកអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៉ុន រ៉ានី ហ៊ុន សែនប្រធានកាកបាទក្រហមកម្ពុជា អំណោយដែលបានចែកជូនក្នុងមួយគ្រួសាររួមមាន៖
-អង្ករចំនួន ២៥គីឡូក្រាម
-មីចំនួន ១០កញ្ចប់
-ទឹកត្រីចំនួន ១ដប
-ទឹកសុីអ៉ីវចំនួន ១ដប
-ជែលចំនួន ១ដប
-ម៉ាស់ចំនួន ១ប្រអប់៕
ដោយ៖ ជីណា
