សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បេីយោងតាមប្រភពព័ត៌មានពីរបាយការណ៍របស់ស្នងការដ្ឋាននគរបាលខេត្តបាត់ដំបង បានឱ្យដឹងនៅរសៀលថ្ងៃសៅរ៍ទី១៦ ខែកក្កដា ឆ្នាំ២០២២នេះថា៖ លោកវរសេនីយ៍ឯក កោ ស៊ុនកាំង នាយការិយាល័យនគរបាលព្រហ្មទណ្ឌកម្រិតធ្ងន់ខេត្ត បានដឹកនាំកម្លាំងបង្រ្កាបឃាត់ខ្លួនជនសង័្សយចំនួន០២នាក់ ដែលជាមុខសញ្ញាលួចម៉ូតូចំនួន០២នាក់នៅស្រុកសង្កែ កាលពីថ្ងៃទី១៥ ខែកក្កដាម្សិលមិញនេះ នៅចំណុចភូមិកាប់គោថ្មីសង្កាត់ អូរចារ ក្រុងបាត់ដំបង ខេត្តបាត់ដំបង។
របាយការណ៍ដដែលបន្តថា ជនសង័្សយទាំងពីរនាក់នោះរួមមាន៖
១-ឈ្មោះ សំ ម៉ារី ភេទប្រុស អាយុ ២៧ឆ្នាំរស់នៅភូមិបាសែត ឃុំតាប៉ុន ស្រុកសង្កែ ខេត្តបាត់ដំបង។
២-ឈ្មោះ ពៅ រ៉ហ៉ីម ភេទប្រុស អាយុ៣៧ឆ្នាំរស់នៅភូមិបាសែត ឃុំតាប៉ុន ស្រុកសង្កែខេត្តបាត់ដំបង។
ចំណែកដកហូតបានម៉ូតូម៉ាកហុងដាសេ១២៥ពណ៌ខ្មៅស៊េរីឆ្នាំ២០១៦ពាក់ស្លាកលេខ បាត់ដំបង 1X-1382ចំនួន០១គ្រឿង(ជារបស់ជនរងគ្រោះ)។
សូមជម្រាបជូនថា កាលពីថ្ងៃទី១១ ខែ កក្កដា ឆ្នាំ២០២២ វេលាទៀបភ្លឺឈានចូលថ្ងៃទី១២ ខែកក្កដាឆ្នាំ២០២២ ក្នុងលំនៅដ្ឋានរបស់ជនរងគ្រោះឈ្មោះ ម៉ោល តង ភេទស្រី អាយ៥១ឆ្នាំរស់នៅភូមិបាសែត ឃុំតាប៉ុន ស្រុកសង្កែ ខេត្តបាត់ដំបងជនសង័្សយបានធ្វេីសកម្មភាពលួចយកម៉ូតូដូចមានភិនភាគខាងលេី ហេីយនៅក្រោយកេីតហេតុជនរងគ្រោះបានប្តឹងចូលមកសមត្ថកិច្ចនគរបាលនគរបាល។
ក្រោយពេលធ្វេីការស្រាវជ្រាវរហូតដល់ថ្ងៃខាងលេីសមត្ថកិច្ចនគរបាលបានឃាត់ខ្លួនជនសង័្សយនិងដកហូតម៉ូតូជាភស្តុតាង នៃបទល្មេីស យកមកប្រគល់ជូនជនរងគ្រោះវិញ។
បច្ចុប្បន្នជនសង័្សយសមត្ថកិច្ចកំពុងរៀបចំបញ្ជូនទៅសាលាដំបូងខេត្តបាត់ដំបងចាត់ការតាមផ្លូវច្បាប់៕
ដោយ៖សហការី
