សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់ដែលគេស្គាល់ថាជាអ្នកដឹកបន្លែនៅផ្សារដេីមគបានជិះម៉ូតូបញ្ច្រាសទិសដៅចរាចរណ៍ជ្រុលទៅបុករថយន្តRAV4 បណ្តាលឱ្យរងការខូចខាតយ៉ាងដំណំ។
ហេតុការណ៍នេះបានកេីតឡើងកាលពីវេលាម៉ោង៩និង៥០នាទីយប់ថ្ងៃទី១៧ ខែកក្កដា ឆ្នាំ២០២២ នៅចំណុចផ្សារដេីមគ តាមបណ្តោយផ្លូវព្រះមុនីរ៉េត ស្ថិតក្នុងសង្កាត់ទួលស្វាយព្រៃទី២ ខណ្ឌបឹងកេងកង ។
តាមសាក្សីនៅកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តម៉ាកRAV4 ពណ៌ស ពាក់ស្លាកលេខភ្នំពេញ2BA-6720 ធ្វេីដំណេីរតាមបណ្តោយផ្លូវព្រះមុនីរ៉េតក្នុងទិសដៅពីលិចទៅកេីត ខណៈមកដល់ចំណុចកេីតហេតុស្រាប់តែមានយុវជនម្នាក់ជិះម៉ូតូសង់កូរ៉េស៊េរីចាស់ចងដែកជាប់នៅរានខាងក្រោយធ្វេីដំណេីរបញ្ច្រាសទិសដៅចរាចរណ៍ក្នុងល្បឿនលឿនក៏ទៅបុកនិងទាក់ដែកដែលចងខាងក្រោយជាមួយរថយន្តបណ្តាលឱ្យរងការខូចខាតរថយន្តផ្នែកខាងមុខយ៉ាងដំណំ តែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចជំនាញបានចុះមកដល់ ហើយធ្វេីការវាស់វែងយករថយន្តនិងម៉ូតូទៅរក្សាទុករង់ចាំដោះស្រាយនាពេលក្រោយ៕
ដោយ៖សុខាសែនជ័យ
