សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បានធ្វេីសកម្មភាពឆក់យកកាបូបស្ពាយពីប្តីប្រពន្ធមួយគូបានសម្រេច រួចគេចខ្លួនបាត់ដោយសុវត្ថិភាពមិនរំខានដល់សមត្ថកិច្ចឡើយ។
ហេតុការណ៍នេះបានកេីតឡេីងកាលពីវេលាម៉ោង១១និង៣០នាទីព្រឹកថ្ងៃទី២២ ខែកក្កដា ឆ្នាំ២០២២ នៅចំណុចជិតអគ្គបញ្ជាការដ្ឋានកងទ័ពជេីងគោក តាមបណ្តោយផ្លូវជាតិលេខ៤ ក្នុងសង្កាត់កន្ទោក ខណ្ឌកំបូល។
ជនរងគ្រោះឈ្មោះ ផាន់ ចរិយា ភេទស្រីអាយុ៥៨ឆ្នាំ ស្នាក់នៅសង្កាត់ឃ្មួញ ខណ្ឌសែនសុខ ។ សម្ភារដែលបាត់បង់មានទូរស័ព្ទម៉ាក oppo ចំនួន៣គ្រឿង, បន្តោងខ្សែកមួយតម្លៃប្រហែល៤០០ដុល្លារ, លុយខ្មែរចំនួន១០,០០០រៀល និងឯកសារមួយចំនួនទៀត។
តាមសម្តីជនរងគ្រោះបានឱ្យដឹងថា មុនពេលកេីតហេតុរូបគាត់និងប្តីបានជិះម៉ូតូឌុបគ្នាតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីត ដោយទុកកាបូបស្ពាយនៅរានខាងមុខ ខណៈមកដល់ចំណុចកេីតហេតុស្រាប់តែមានជនសង្ស័យម្នាក់ជិះម៉ូតូមកពីក្រោយធ្វេីសកម្មភាពឆក់យកកាបូបរបស់គាត់បានសម្រេច រួចគេចខ្លួនបាត់ដោយសុវត្ថិភាព។
ក្រោយកេីតហេតុជនរងគ្រោះបានត្រឹមតែទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលកន្ទោក ជៀសវាងជនសង្ស័យយកអត្តសញ្ញាណប័ណ្ណទៅប្រេីប្រាស់ក្នុងអំពេីទុច្ចរិតអ្វីមួយ៕
ដោយ៖សុខាសែនជ័យ
