សារព័ត៌មាន នគរវត្ត តែងតែនាំមុខគេជានិច្ច
ខេត្តព្រៃវែង៖ បេីយោងតាមប្រភពព័ត៌មានពីស្នងការដ្ឋាននគរបាលរាជធានីភ្នំពេញ បានឱ្យដឹងនៅរសៀលថ្ងៃសៅរ៍ទី៣០ ខែកក្កដា ឆ្នាំ២០២២នេះថា៖ កម្លាំងសមត្ថកិច្ចជំនាញ បានបញ្ជូនខ្លួនក្រុមក្មេងទំនើងចំនួន០៦នាក់ ទៅសាលាដំបូងខេត្ត ដើម្បីចាត់ការតាមច្បាប់។
របាយការណ៍ដដែលបន្តថា កម្លាំងអធិការដ្ឋាននគរបាលក្រុងព្រៃវែង កាលពីថ្ងៃទី២៨ ខែកក្កដា ឆ្នាំ២០២២ បានធ្វើការឃាត់ខ្លួនក្រុមក្មេងទំនើងមួយក្រុម ដែលមានគ្នាចំនួន០៦នាក់ បន្ទាប់ពីពួកគេបានធ្វើសកម្មភាពបង្ករ ការអុកឡុក ដោយមានការប្រើកាំបិត ដើរតាមសួនសាធារណៈ ធ្វើឱ្យប៉ះពាល់សន្តិសុខសណ្តាប់ធ្នាប់សង្គមនៅក្នុងក្រុងព្រៃវែង ចំណុចសួនច្បារសម្ដេច ជា ស៊ីម ។
បច្ចុប្បន្នក្រុមក្មេងទំនើងទាំង០៦នាក់ ខាងលើនេះ នៅថ្ងៃសៅរ៍ទី៣០ ខែកក្កដា ឆ្នាំ២០២២នេះ ត្រូវបានកសាងសំណុំរឿងបញ្ជូនទៅកាន់សាលាដំបូងខេត្តព្រៃវែង៕
ដោយ៖សហការី
