សារព័ត៌មាន នគរវត្ត តែងតែនាំមុខគេជានិច្ច
គ្រូបង្វឹកក្រុមបិសាចក្រហម Manchester United លោក Erik ten Hag និយាយថា “មិនអាចទទួលយកបាន” ដែលកីឡាករជាច្រើនរួមទាំង Cristiano Ronaldo បានចាកចេញពីការប្រកួតមិត្តភាពកាលពីថ្ងៃអាទិត្យនៅឯកីឡដ្ឋាន Old Trafford ទល់នឹងក្រុម Rayo Vallecano មុនបើករដូវកាលថ្មី។
កីឡាករ Ronaldo បានបង្ហាញខ្លួនក្នុងការប្រកួតមុនបើករដូវកាលដំបូងរបស់គេត្រូវបានជំនួសនៅតង់ទីមួយ។ គាត់ត្រូវបានគេថតរូបថា បានចាកចេញជាមួយកីឡាករ Diogo Dalot ដែលបានអង្គុយនៅក្នុងកៅអីជាមួយអ្នកលេងជាច្រើននាក់ ដែលពួកគេបានចាកចេញ១០នាទីមុនពេលបញ្ចប់ការប្រកួត។
លោក Ten Hag បាននិយាយថា “យើងជាក្រុម ហើយនោះមានន័យថាអ្នកនៅរហូតដល់ទីបញ្ចប់។ នេះគឺជាការមិនអាចទទួលយកបានសម្រាប់អ្នកទាំងអស់ដែលពាក់ព័ន្ធ“។
Man Utd បានស្មើក្នុងការប្រកួតនេះ ១–១ ដោយខ្សែប្រយុទ្ធ Ronaldo មិនអាចបង្ហាញពីការវិលត្រឡប់ទៅកាន់ការប្រកួតរបស់គេវិញដោយមានគ្រាប់បាល់បញ្ចូលទីបានឡើយ។
កីឡាករវ័យ៣៧ឆ្នាំរូបនេះដែលបានត្រឡប់ទៅ Man Utd កាលពីរដូវកាលមុនបន្ទាប់ពីប្រកបអាជីពជាមួយ Real Madrid និង Juventus មានបំណងចង់ចាកចេញពីក្លិបដើម្បីបន្តការចង់បានរបស់គាត់ក្នុងការប្រកួតក្របខ័ណ្ឌ Champions League ។
ខ្សែប្រយុទ្ធរូបនេះត្រូវបានអនុញ្ញាតឱ្យខកខានបង្ហាញខ្លួនក្នុងដំណើរប្រកួតទេសចរណ៍មុនរដូវកាលរបស់ក្លិប Manchester United នៅប្រទេសថៃ និងអូស្ត្រាលីសម្រាប់ហេតុផលផ្ទាល់ខ្លួន។
លោក Ten Hag ធ្លាប់បាននិយាយថា Ronaldo “មិនមែនសម្រាប់លក់” ហើយនៅតែ “នៅក្នុងផែនការរបស់យើង” ។
កីឡាករចំណូលថ្មី Christian Eriksen និង Lisandro Martinez ទាំងពីរបានបង្ហាញខ្លួនរយៈពេលមួយម៉ោងជាមួយ Rayo Vallecano ក្នុងការប្រកួតដែលលោក Ten Hag បានជ្រើសរើសសម្រាប់កីឡាករដែលមិនពាក់ព័ន្ធច្រើនក្នុងការចាញ់ Atletico Madrid ១–០ កាលពីថ្ងៃសៅរ៍ក្នុងទីក្រុង Oslo ។
សូមបញ្ជាក់ថា ក្រុមបិសាចក្រហម Manchester United នឹងត្រូវប៉ះក្រុម Brighton នៅថ្ងៃអាទិត្យ ទី៧ ខែសីហាខាងមុខនេះ ក្នុងជំនួបបើករដូវកាលថ្មីនៅ Premier League ២០២២–២០២៣ របស់ខ្លួន ៕
ដោយ៖ ភារៈ(រូបភាព ៖ BBC Sport)
