សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ នារសៀលថ្ងៃសុក្រ ទី៥ ខែសីហា ឆ្នាំ២០២២ លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណ:កម្មាធិការសាខាកាកបាទក្រហមកម្ពុជាខេត្តកំពង់ចាម និងក្រុមការងារគណៈកម្មាធិការសាខា អនុសាខា បានអញ្ជើញអមដំណើរលោក សេង ទៀង រដ្ឋលេខាធិការទីស្តីការគណ:រដ្ឋមន្ត្រី និងលោកស្រី នាំយកអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត រួមមាន៖
– អង្ករ៥០គក្រ
-ស្ករស៥គក្រ
-ទឹកដោះគោម្សៅ២កេស
-សារុង ក្រមា២ និងថវិកា៥,០០០,០០០រៀលផ្តល់ជូនលោកយូ ហ៊ាត អាយុ៣១ឆ្នាំ និងភរិយាឈ្មោះ ម៉ូត ណះម៉ះ អាយុ២៥ឆ្នាំ ជាខ្មែរអ៊ិស្លាម មានទីលំនៅភូមិអកម៉ូក ឃុំជយោ ស្រុកចម្ការលើ ដែលប្រសូតបានកូនភ្លោះ ៣នាក់ ( ស្រី២នាក់ ) កាលពីរសៀល ថ្ងៃទី ២៨ ខែកក្កដា ឆ្នាំ២០២២ ក្នុងមន្ទីរពេទ្យបង្អែកខេត្តកំពង់ចាម ។
ទារកទារិកាភ្លោះទាំង៣នាក់នេះជាកូនភ្លោះទី៣៨៩ដែលទទួលបានអំណោយពីសម្តេចទាំងទ្វេ មានឈ្មោះ៖
១-តហ៊ាត អៃនី ភេទស្រី ទម្ងន់ ១,៦០០ ក្រាម
២-តហ៊ាត អៃណា ភេទស្រី ទម្ងន់ ២,១០០ ក្រាម
៣-តហ៊ាត មីស៊ៀន ភេទប្រុស ទម្ងន់ ២,៣០០ ក្រាម។
ក្នុងឱកាសនោះ លោកអ៊ុន ចាន់ដា ក៏បានឧបត្ថម្ភបន្ថែមនូវសម្ភារប្រើប្រាស់សម្រាប់ទារក៣ឈុត មី ទឹកសុទ្ធ ទឹកដោះគោឆៅ ស្ករស និង ថវិកាចំនួន ៥០០,០០០រៀល ផងដែរ៕
ដោយ: សហការី
