សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ប្រជាពលរដ្ឋប្រទះឃេីញសពបុរសម្នាក់ចងកសម្លាប់ខ្លួននៅក្នុងអគារបាក់បែកមួយកន្លែងក្នុងបរិវេណទីលានប្រណាំងឡានចាស់ ស្ថិតនៅក្នុងភូមិតាភេម សង្កាត់កំបូល ខណ្ឌកំបូល បង្កការភ្ញាក់ផ្អេីលនិងរាយការណ៍ជូនសមត្ថកិច្ច កាលពីវេលាម៉ោង៥ព្រឹកថ្ងៃទី១១ ខែសីហា ឆ្នាំ២០២២ ។
សពជនរងគ្រោះមានឈ្មោះ គង ពៅ ភេទប្រុសអាយុ ២៦ ឆ្នាំ ស្រុកកំណើតនៅស្រុកគងពិសី ខេត្តកំពង់ស្ពឺ ។
តាមប្រភពនៅកន្លែងបានឲ្យដឹងថា មុនកើតហេតុ មានបុរសម្នាក់ដែលជាអ្នកមើលដីនៅទីនោះ ដើរកាត់ក៏ប្រទះឃើញ ជនរងគ្រោះចងក នៅក្នុងអគារខាងលើ ស្លាប់បាត់ទៅហេីយក៏រាយការណ៍ប្រាប់មេភូមិ និងសមត្ថកិច្ច ដេីម្បីឲ្យចុះមកពិនិត្យជាក់ស្តែង។
ក្រោយពីទទួលបានព័ត៌មាន កម្លាំងសមត្ថកិច្ចមូលដ្ឋាន ជំនាញចុះទៅពិនិត្យដល់ទីតាំងខាងលើ ហ៊ុំព័ទ្ធទីតាំងកន្លែងកេីតហេតុរង់ចាំជំនាញមកកោសល្យវិច័យ ៕
ដោយ៖សុខាសែនជ័យ
